Amit Shah Will Meet SS Rajamouli In Hyderabad : కేంద్ర హోంశాఖ మంత్రి అమిత్ షా ఖమ్మం బహిరంగ సభ నేపథ్యంలో.. 14వ తేదీన రాత్రి 12 గంటలకు శంషాబాద్ విమానాశ్రయానికి చేరుకోనున్నారు. అదే రోజు రాత్రి శంషాబాద్లోని నోవాటెల్ హోటల్లో బస చేయనున్నారు. మహాజన్ సంపర్క్ అభియాన్లో భాగంగా ఖమ్మం జిల్లా కేంద్రంలో బీజేపీ 15వ తేదీన నిర్వహించే.. బహిరంగ సభలో ఆయన పాల్గొనున్నారు.
15వ తేదీన ఉదయం 10 గంటల నుంచి 30 నిమిషాల పాటు కేంద్రమంత్రి అమిత్ షా ముఖ్య నేతలతో సమావేశం కానున్నారు. ఈ సమావేశంలో రాష్ట్రంలో నెలకొన్న తాజా రాజకీయ పరిస్థితులపై ఆరా తీయనున్నారు. అలాగే మహాజన్ సంపర్క్ అభియాన్లో భాగంగా టాలీవుడ్ దర్శకుడు ఎస్ఎస్ రాజమౌళితో ప్రత్యేక భేటీ నిర్వహించనున్నారు. ఈ భేటీతో ఇటు రాజకీయ వర్గాల్లోనూ.. అటు టాలీవుడ్ వర్గాల్లోనూ చర్చ నడుస్తోంది. అయితే స్వయంగా అమిత్ షా వారి నివాసాలకు వెళ్లి కలవనున్నట్లు విశ్వసనీయం సమాచారం. తరువాత ఆంధ్రజ్యోతి ఎండీ వేమూరి రాధాకృష్ణతోనూ భేటీకానున్నారు.
భద్రాద్రి రామయ్య దర్శనం : మధ్యాహ్నం 12.45 నుంచి 2 గంటల వరకు శంషాబాద్ జేడీ కన్వెన్షన్ హాల్లో బీజేపీ ముఖ్య కార్యకర్తలతో సమావేశం నిర్వహించి.. వారితో ముచ్చటించనున్నారు. తెలంగాణలో పార్టీని అధికారంలోకి తెచ్చేందుకు కృషి చేయాలని దిశానిర్దేశం చేయనున్నారు. అయితే ఈ సమావేశం ముగించుకొని ప్రత్యేక హెలికాప్టర్లో భద్రాచలంకు బయలుదేరి వెళ్లనున్నారు. అక్కడ భద్రాద్రి సీతారాములను దర్శించుకుని.. ప్రత్యేక పూజలు నిర్వహించనున్నారు.
సాయంత్రం ఆరు గంటల నుంచి 7 గంటల వరకు ఖమ్మం పట్టణంలో నిర్వహించే భారీ బహిరంగ సభకు ముఖ్య అతిథిగా హాజరుకానున్నారు. ఆ ప్రసంగంలో తెలంగాణలో బీజేపీ అధికారమే లక్ష్యంగా ఎలా పనిచేయాలో పార్టీశ్రేణులను ఉద్దేశించి ప్రసంగించనున్నారు. అనంతరం సభ ముగిసిన తర్వాత రోడ్డు మార్గంలో విజయవాడ విమానాశ్రయానికి చేరుకుని.. అక్కడి నుంచి ప్రత్యేక విమానంలో అహ్మదాబాద్కు బయలుదేరి వెళ్లనున్నారు.
Amit Shah Will Come To Telangana on 15th June : కేంద్రమంత్రిగా వివిధ రాష్ట్రాల్లో పర్యటించినప్పుడు.. బీజేపీ బహిరంగ సభలకు వెళ్లినప్పుడు సమాజంలో గుర్తింపు పొందిన వివిధ వర్గాల ప్రముఖులను అమిత్ షా కలవడం ఎప్పుడూ చూస్తూనే ఉన్నాం. గతంలో కూడా హైదరాబాద్ పర్యటనకు వచ్చినప్పుడు జూ. ఎన్టీఆర్, మిథాలీ రాజ్, నితిన్ వంటి ప్రముఖులను కలిశారు. రాష్ట్రంలో అధికారం కోసం బీజేపీ అన్ని ప్రయత్నాలను ఉపయోగించుకుంటుంది. దేశవ్యాప్తంగా బీజేపీ తరఫున కీలకమైన నేతలను తెలంగాణలో పర్యటించేలా చేస్తున్నారు. ఆఖరికి ప్రధానమంత్రి నరేంద్ర మోదీ సైతం హైదరాబాద్లో రెండు సార్లు పర్యటించారు.
ఇవీ చదవండి :
