జేబీఎస్​ వద్ద రెండో రోజూ కార్మికుల అరెస్ట్​

జేబీఎస్​లోని కంటోన్మెంట్​ పికెట్​ డిపో వద్ద విధులకు హాజరయ్యేందుకు వచ్చిన ఆర్టీసీ కార్మికులను పోలీసులు అరెస్టు చేశారు. డిపో వద్ద పటిష్ట బందోబస్తు ఏర్పాటు చేశారు.

సమ్మె విరమించిన ఆర్టీసీ కార్మికులు రెండో రోజూ విధులకు హాజరయ్యేందుకు డిపోలకు తరలివస్తున్నారు. జేబీఎస్​లోని కంటోన్మెంట్​ పికెట్​ డిపో వద్ద విధులకు హాజరయ్యేందుకు వచ్చిన 11 మంది కార్మికులను పోలీసులు అరెస్టు చేశారు. అనంతరం వారిని బొల్లారం పోలీస్​ స్టేషన్​కు తరలించారు.

మరోవైపు సమ్మె విరమించి విధుల్లో చేరేందుకు వచ్చిన తమను అరెస్టు చేయడం ఎంతవరకు సమంజసం అని కార్మికులు ప్రశ్నిస్తున్నారు. ముఖ్యమంత్రి కేసీఆర్​ తమ పట్ల దయ చూపి తమను విధులకు అనుమతించాలని కోరారు.

పోలీసుల భారీ బందోబస్తు మధ్య రోజు మాదిరిగానే తాత్కాలిక సిబ్బందితో బస్సులు యధావిధిగా నడుస్తున్నాయి.

ఇవీ చూడండి: 'మిషన్' పూర్తి చేసిన పీఎస్​ఎల్వీ.. కక్ష్యలోకి కార్టోశాట్-3