ఆదిలాబాద్ రిమ్స్ ఆసుపత్రిలో పాము కలకలం రేపింది. ప్రసూతి వార్డులోకి వచ్చిన పాము.. మంచం కింద నుంచి స్నానాలగదిలోకి వెళ్లింది. విషయం తెలుసుకున్న ఆసుపత్రి వర్గాలు ఆ వార్డును ఖాళీ చేయించి రోగులను మరో వార్డులోకి తరలించారు.
ఆసుపత్రి వర్గాల నిర్లక్ష్యం తమ ప్రాణాల మీదకు తెస్తుందని రోగులు మండిపడుతున్నారు. ప్రసూతి వార్డులోని రోగులను ఖాళీ చేసి చేతులు దులుపుకున్న సిబ్బంది ఆ పాము జాడ మాత్రం కనుగొనలేదని ఆగ్రహం వ్యక్తం చేశారు. మరోవైపు.. ఆ వార్డు నుంచి స్నానాలగదిలోకి వెళ్లిన పాము తర్వాత కనిపించలేదని సిబ్బంది తెలిపారు.
- ఇదీ చదవండి : ఒకే చోట 50 పాము పిల్లలు.. చంపేసిన స్థానికులు
