ఆదిలాబాద్ జిల్లా జైనథ్ మండలంలోని ఎమ్మెల్యే జోగురామన్న సొంతూరు దీపాయిగూడలో పండుగ వాతావరణం నెలకొంది. ఈ గ్రామంలో 41 అడుగుల భారీ ఆంజనేయ స్వామి విగ్రహాన్ని ప్రతిష్ఠించారు. ఈ విగ్రహాన్ని ఎమ్మెల్యే జోగు రామన్న, ఆయన సతీమణి(Jogu ramanna family) ప్రతిష్ఠించారు. విగ్రహప్రతిష్ఠ అనంతరం అక్కడి రామాలయంలో ప్రత్యేక పూజలు చేశారు. ఈ సందర్భంగా జరిగిన సీతారాముల కల్యాణ వేడుకల్లో జోగు రామన్న దంపతులు ఆడి పాడారు.
సీతారాముల పాటలకు ఎమ్మెల్యే దంపతులు(Jogu ramanna family) స్టెప్పులేశారు. అనంతరం ఆలయంలో ప్రత్యేక పూజలు చేశారు. ఈ విగ్రహ ప్రతిష్ఠకు భక్తులు పెద్దఎత్తున హాజరయ్యారు. ఈ పూజా కార్యక్రమాల్లో ఎమ్మెల్యే దంపతుల స్టెప్పులు ప్రత్యేక ఆకర్షణగా నిలిచాయి. ఎమ్మెల్యే దంపతులు స్టెప్పులేసిన ఈ వీడియో ప్రస్తుతం వైరల్గా మారింది.
ఇదీ చదవండి: బట్టల షాప్కెళ్లిన పల్సర్ బైక్.. అసలేం జరిగిందంటే?
