కరోనా దెబ్బతో చాలా మంది ఆటగాళ్లు స్వీయ నిర్బంధంలోకి వెళ్లిపోతున్నారు. ఇప్పటికే ప్రపంచవ్యాప్తంగా పలు టోర్నీలు రద్దయ్యాయి. ఈ నేపథ్యంలో ఖాళీ సమయాన్ని అభిమానులతో సామాజిక మాధ్యమాల వేదికగా మాట్లాడేందుకు, కుటుంబసభ్యులతో గడిపేందుకు ఇష్టపడుతున్నారు ప్లేయర్లు. తాజాగా ఇన్స్టా వేదికగా నెటిజన్లతో కాసేపు ముచ్చటించింది జపాన్ టెన్నిస్ ప్లేయర్ నయోమి ఒసాకా. ఈ సందర్భంగా పలు ఆసక్తికర విషయాలు చెప్పింది.
డేటింగ్పై సలహాలు ఇవ్వలేను..
ఒక అభిమాని డేటింగ్పై సలహా ఇవ్వాలని ఒసాకాను కోరాడు. అంతేకాకుండా తనకు ఎవరిమీదైనా క్రష్ ఉంటే ఏం చేస్తుందో చెప్పాలని అడిగాడు. అయితే వాటిపై ఊహించని స్పందన ఎదుర్కొన్నాడా అభిమాని.
" నిజంగా చెప్పాలంటే వెళ్లమనే చెప్తా. అలా ఉండిపోతే ఏం వస్తుంది. గతంలో ఓ వ్యక్తి చేతిలో డేటింగ్కు వెళ్లగా అతను నన్ను తిరస్కరించాడు. కాబట్టి ఈ ప్రశ్న నన్ను అడగపోవడం మంచిది"
--నయోమి ఒసాకా, టెన్నిస్ ప్లేయర్
ఫ్రెంచ్ ఓపెన్ వాయిదాపైనా ఈ ప్లేయర్ స్పందించింది. ప్లేయర్లను సంప్రదించకుండా టోర్నీ తేదీలు ఎలా మారుస్తారని ప్రశ్నించింది. ఇటీవల భారత టెన్నిస్ స్టార్ సానియా మీర్జా సైతం ఇదే అభిప్రాయం వ్యక్తం చేసింది. మే నెలలో జరగాల్సిన ఈ టోర్నీ సెప్టెంబర్ 20 నుంచి అక్టోబర్ 4 వరకు జరగనున్నట్లు నిర్వాహకులు ప్రకటించారు.
గతేడాది జరిగిన ఆస్ట్రేలియా ఓపెన్లో ఒసాకా విజేతగా నిలిచింది. 22 ఏళ్ల ఈమె ప్రస్తుతం ప్రపంచ టెన్నిస ర్యాంకింగ్స్లో 10వ స్థానంలో ఉంది.
