టీ20 ప్రపంచకప్లో(T20 World Cup 2021) భాగంగా తొలి మ్యాచ్లో టీమ్ఇండియాపై 10 వికెట్ల తేడాతో గెలిచింది పాకిస్థాన్. ఈ మ్యాచ్లో భారత ఫాస్ట్ బౌలర్లతో సహా స్పిన్నర్లు కూడా పూర్తి స్థాయిలో విఫలమయ్యారు. ఈ నేపథ్యంలో భారత బౌలింగ్ దళంపై సందేహాలు మొదలయ్యాయి. కాగా.. ఆదివారం న్యూజిలాండ్తో తలపడేందుకు టీమ్ఇండియా(IND vs NZ T20 Match) సిద్ధమవుతోంది. ఈ నేపథ్యంలో భారత జట్టు బౌలింగ్ అంశంపై కీలక వ్యాఖ్యలు చేశాడు మాజీ బ్యాట్స్మన్ సంజయ్ మంజ్రేకర్.
"టీమ్ఇండియాలో బ్యాటర్లు మాత్రమే ఉంటే సరిపోదు. మేటి స్పిన్ బౌలర్లు కూడా ఉండాలి. మ్యాచ్లో వారు వికెట్లు పడగొట్టాలి. అలాంటి వారినే జట్టులోకి తీసుకోవాలి."
-సంజయ్ మంజ్రేకర్, మాజీ ఆటగాడు.
పాక్తో జరిగిన మ్యాచ్లో మిస్టరీ స్పిన్నర్ వరుణ్ చక్రవర్తి, రవీంద్ర జడేజా ఒక్క వికెట్ కూడా పడగొట్టలేకపోయారు. నాలుగు ఓవర్లు బౌలింగ్ చేసిన వరుణ్ 33 పరుగులు ఇవ్వగా.. జడేజా 28 పరుగులు సమర్పించుకున్నాడు. ఈ నేపథ్యంలో న్యూజిలాండ్తో జరగాల్సిన మ్యాచ్లో రవిచంద్రన్ అశ్విన్కు చోటు కల్పిస్తే బాగుంటుందని మంజ్రేకర్ అభిప్రాయపడ్డాడు.
అంతర్జాతీయ క్రికెట్ ఆడిన అనుభవం అశ్విన్కు బాగా ఉందని టీమ్ఇండియా సారథి విరాట్ కోహ్లీ ఇటీవలే పేర్కొన్నాడు. ఐపీఎల్లో డెత్ ఓవర్లలోను అతడు బౌలింగ్ చేశాడని గుర్తుచేశాడు.
ప్రస్తుతం కివీస్ను ఓడించి టీ20 ప్రపంచకప్ ఆశలను పదిలం చేసుకోవాలని టీమ్ఇండియా ఆశిస్తోంది.
ఇదీ చదవండి:
