అమెరికా బాక్సింగ్‌ దిగ్గజం ఫ్లాయిడ్ మేవెదర్‌కు ఫుట్బాల్ అంటే ఆసక్తి ఎక్కవ. ముఖ్యంగా ప్రీమియర్ లీగ్ క్లబ్‌ న్యూకాసిల్‌ యునైటెడ్‌ జట్టుకు వీరాభిమాని. తరచూ ఆ క్లబ్‌ మ్యాచ్‌లకు మేవెదర్ హాజరవుతుంటాడు. అయితే న్యూకాసిల్‌ను అమ్మడానికి ఆ క్లబ్‌ యజమాని మైక్ కాష్లే ప్రయత్నం చేస్తున్నట్లు సమాచారం రాగా... ఆ జట్టులో అత్యధిక వాటాను కొనడానికి మేవెదర్ ఆసక్తి చూపిస్తున్నట్లు సమాచారం. దాదాపు ఏడు వేల కోట్ల రూపాయలతో ఈ డీల్ కుదుర్చుకునేందుకు సిద్ధంగా ఉన్నట్లు తెలుస్తోంది.
యూఎఫ్‌సీ(అల్టిమేట్‌ ఫైటింగ్‌ ఛాంపియన్‌షిప్‌)లో రెండుస్లారు టైటిల్స్‌ సాధించిన మిక్స్‌డ్‌ మార్షల్‌ ఆర్టిస్ట్‌.. కోనర్‌ మెక్‌గ్రెగర్‌తో గతంలో ఓ బౌట్లో తలపడ్డాడు మేవెదర్. దీని ప్రైజ్మనీ దాదాపు రూ.6వేల 4వందల కోట్లు కావడం అప్పట్లో పెద్ద సంచలనం సృష్టించింది. ఇందులోనూ గెలిచిన ఈ స్టార బాక్సర్.. గతేడాది ఆటకు వీడ్కోలు పలికాడు. జపాన్ వేదికగా చివరి ఎగ్జిబిషన్‌ మ్యాచ్‌లో 20 ఏళ్ల కిక్ బాక్సర్ టెన్షిన్పై సునాయాస విజయం సాధించాడు. ఈ పోరు కేవలం రెండే నిమిషాల్లో ముగియడం విశేషం. కెరీర్లో మొత్తం 50 విజయాలతో పాటు 26 ప్రపంచ టైటిళ్లను నెగ్గాడు ఫ్లాయిడ్ మేవెదర్.
