మలేషియాతో జరిగే హాకీ సిరీస్కు భారత సారథిని మార్చింది హాకీ ఇండియా. కెప్టెన్ రాణి రాంపాల్ గాయం కారణంగా సిరీస్ నుంచి తప్పుకోగా గోల్కీపర్ సవితను సారథిగా నియమిస్తున్నట్టు ప్రకటించింది. డిఫెండర్ దీప్ గ్రేస్ ఎక్కా వైస్ కెప్టెన్గా వ్యవహరించనుంది. రెండో గోల్ కీపర్గా రజనీ ఎంపికైంది. ఏప్రిల్ నాలుగు నుంచి ఎనిమిది రోజుల పాటు కౌలాలంపూర్లో 5 మ్యాచ్ల సిరీస్ జరగనుంది.
"జట్టు సభ్యుల స్థిరత్వం కోసం ప్రయత్నిస్తున్నాం. యువ ఆటగాళ్లకు ఇదో మంచి అవకాశం. అంతర్జాతీయ స్థాయిలో వారు మంచి ప్రదర్శన చేస్తారని ఆకాంక్షిస్తున్నా" --జోర్డ్ మారినే, కోచ్
డిఫెన్స్లో సలిమా, రీనా ఖోకర్, ఎక్కా, రష్మిత, సుశీలా చాను, సునితా లక్రాలు కీలకపాత్ర పోషించనున్నారు. గాయం నుంచి కోలుకుని తిరిగి జట్టులోకి వచ్చిన మోనికా, క్రిష్ణ యాదవ్, నిక్కీ ప్రధాన్, నేహా గోయల్, లలిమాలతో మిడ్ ఫీల్డ్ బలంగా ఉంది. ఫార్వర్డ్ లైన్లో జ్యోతి, వందనా కఠారియా, నవజోత్ కౌర్, నవ్ నీత్ కౌర్లు ఉన్నారు.
ఇవీ చూడండి..'డాడీస్ ఆర్మీ' సత్తా తెలిసిందా ఇప్పుడు?
