హార్దిక్ పాండ్య ఐపీఎల్‌లో కెప్టెన్గా అదరగొట్టినప్పటి నుంచి రోహిత్ శర్మ, కేఎల్ రాహుల్‌ అందుబాటులో లేనప్పుడు భారత జట్టుకు కెప్టెన్గా వ్యవహరిస్తున్నాడు. ఇటీవల శ్రీలంకతో ముగిసిన మూడు టీ20 మ్యాచ్‌ల సిరీస్‌కు టీమ్‌ఇండియా అతడి సారథ్యంలోనే బరిలోకి దిగింది. ఈ సిరీస్‌ని భారత్ 2-1 తేడాతో కైవసం చేసుకుంది. మరోవైపు ఈ ఫార్మాట్లో కెప్టెన్గా హిట్మ్యాన్ విఫలమవుతున్న సంగతి తెలిసిందే. సెలక్టర్లు కూడా ఈ ఫార్మాట్లో అతడిని పక్కన పెడుతున్నారు. ఈ నేపథ్యంలోనే టీ20 కెప్టెన్సీని హార్దిక్ పాండ్యకు అప్పగించాలని మాజీల నుంచి అభిప్రాయాలు వినిపిస్తున్నాయి. గతంలో మాజీ కెప్టెన్ ధోనీ.. విరాట్ కోహ్లీకి నాయకత్వ బాధ్యతలు అప్పగించిన విషయాన్ని గుర్తు చేస్తూ.. రోహిత్ కూడా అదే విధానాన్ని అనుసరించాలని సూచిస్తున్నారు.
అయితే తాజాగా ఈ విషయమై రోహిత్ స్పందించాడు. కెప్టెన్సీ విషయాన్ని ప్రస్తావించకుండా.. తనకు టీ20 ఫార్మాట్ నుంచి తప్పుకునే ఆలోచన ప్రస్తుతానికి లేదని స్పష్టం చేశాడు. ఈ ఫార్మాట్లో కొనసాగుతానని స్పష్టం చేశాడు. ఐపీఎల్ తర్వాత ఈ విషయం గురించి ఆలోచిస్తానని పేర్కొన్నాడు. అలానే బుమ్రా ఫిట్నెస్పై కూడా మాట్లాడాడు. అతడు ప్రస్తుతం నేషనల్ క్రికెట్ అకాడమీ నెట్స్లో శ్రమిస్తున్నాడని చెప్పాడు. "బ్యాక్ టు బ్యాక్ మ్యాచ్లు ఆడటం సాధ్యం కాదు. అన్ని ఫార్మాట్ల ప్లేయర్లకు విశ్రాంతి అవసరం. త్వరలోనే న్యూజిలాండ్తో మూడు మ్యూచుల టీ20 సిరీస్ ఉంది. ఐపీఎల్ తర్వాత ఏం జరుగుతుందో చూద్దాం. అయినా టీ20 ఫార్మాట్ నుంచి తప్పుకునే విషయమై నేనేమి ఆలోచించలేదు" అని హిట్మ్యాన్ పేర్కొన్నాడు.
ఇదీ చూడండి: IND VS SL: వన్డే సిరీస్కూ బుమ్రా దూరం.. అతడి విషయంలో బీసీసీఐ ప్లాన్ ఏంటో?
