Sunrisers Hyderabad Retained Players 2022: ఐపీఎల్ మెగావేలం జనవరిలో జరగనుంది. ఇందుకోసం ఫ్రాంచైజీలు అట్టిపెట్టుకునే ఆటగాళ్లను నేడు (మంగళవారం) వెల్లడించాల్సి ఉంది. ఈ నేపథ్యంలో ఫ్రాంచైజీలు రిటెన్షన్ కోసం ప్రణాళికలు రచిస్తున్నాయి. నేటి రాత్రి వరకు ఏ జట్టు ఎవరిని అట్టిపెట్టుకుంటుందో అనే విషయంపై స్పష్టత వస్తుంది. ఈ నేపథ్యంలో సన్రైజర్స్ హైదరాబాద్ ఓ ట్వీట్ చేసింది. ఏళ్లుగా జట్టుకు అండగా నిలిచిన అందరికీ కృతజ్ఞతలు తెలిపింది. ఈ ట్వీట్కు ఈ ఫ్రాంచైజీ స్టార్ ఓపెనర్లు డేవిడ్ వార్నర్, బెయిర్స్టో రిప్లై ఇచ్చారు. దీంతో వీరిద్దరూ సన్రైజర్స్ నుంచి తప్పుకొంటున్నట్లు స్పష్టమవుతోంది.
"కొంతకాలంగా నా కెరీర్ ఎత్తుపల్లాల్లో అండగా నిలిచిన అందరికీ కృతజ్ఞతలు. మాతో పాటు జట్టుపైనా మీరు చూపిన ప్రేమ ఎంతో గొప్పది. మీ భవిష్యత్ బాగుండాలని నేను, క్యాండిస్ కోరుకుంటున్నాం. మీరు ఏ జట్టుకు మద్దతు తెలిపినా అది ఉన్నతంగా ఉంటుంది. ప్రేమతో వార్నర్స్" అంటూ కామెంట్ పెట్టాడు వార్నర్.
"ఇక ఇదే పోస్టుకు బెయిర్స్టో కూడా కామెంట్ పెట్టాడు. "మద్దతుగా నిలిచిన ప్రతి ఒక్కరికీ కృతజ్ఞతలు. భవిష్యత్లో మళ్లీ కలుస్తామని ఆశిస్తున్నా" అంటూ సన్రైజర్స్కు గుడ్బై చెప్పాడీ ఇంగ్లీష్ ఓపెనర్.
రషీద్ గుడ్బై
సన్రైజర్స్ ఫ్రాంఛైజీ తనను నెంబర్ 1 రిటెన్షన్ ఆటగాడిగా తీసుకుంటేనే ఆ జట్టులో కొనసాగుతానని అఫ్గానిస్థాన్ ఆటగాడు రషీద్ ఖాన్ చెప్పినట్లు సమాచారం. దీనికి సన్రైజర్స్ విముఖత వ్యక్తం చేయడం వల్ల ఇతడిని కూడా దూరం చేసుకుందీ ఫ్రాంచైజీ.
విలియమ్సన్తో పాటు బౌలర్ ఉమ్రాన్ మాలిక్, బ్యాట్స్‌మెన్ అబ్దుల్ సమద్‌ను సన్రైజర్స్ రిటైన్ చేసుకుంటుందని తెలుస్తోంది.
