ప్రపంచ టెస్టు ఛాంపియన్షిప్ ఫైనల్లో న్యూజిలాండ్ ఘోర పరాభవం చవిచూస్తుందని అభిప్రాయపడ్డాడు క్రికెట్ దిగ్గజం సునీల్ గావస్కర్. అందుకు గల కారణాలను వెల్లడించాడు.
"డబ్ల్యూటీసీ ఫైనల్ గెలవడానికి కివీస్కే ఎక్కువ అవకాశాలున్నాయని చాలా మంది విశ్లేషకులు అభిప్రాయపడుతున్నారు. ఇంగ్లాండ్తో టెస్టు సిరీస్ ఆడడం వల్ల విలియమ్సన్ సేనకు తగిన ప్రాక్టీస్ లభిస్తుందనుకుంటున్నారు. దీంతో టీమ్ఇండియాపై న్యూజిలాండ్ సునాయాసంగా నెగ్గుతుందని చెబుతున్నారు. కానీ, నేను ఇంకో కోణాన్ని ఆవిష్కరించాను. ఈ సిరీస్లో విలియమ్సన్ సేన రెండు మ్యాచ్ల్లో ఓడిపోతే.. వారిపై ఒత్తిడి ఉంటుంది. దీంతో కోహ్లీ సేన పని సులువు అవుతుంది. ఈ సిరీస్ సందర్భంగా ప్రత్యర్థి జట్టులో ప్రధాన ఆటగాళ్లు గాయపడే ప్రమాదం లేకపోలేదు. ఈ టెస్టులు ముగిశాక భారత్తో తలపడటానికి మరో నాలుగు రోజుల సమయం మాత్రమే ఉంటుంది.. దీంతో ఆటగాళ్లు పూర్తి శక్తిసామర్థ్యాలతో బరిలోకి దిగలేరు. ఈ కారణాల వల్ల డబ్ల్యూటీసీ ఫైనల్లో కివీస్ ఓడిపోయే ఆస్కారం ఉంది" అని గావస్కర్ పేర్కొన్నాడు.
"ఇప్పుడు టీమ్ఇండియా తగినంత విశ్రాంతి తీసుకుంటోంది. ఇంగ్లాండ్లోనూ వారికి చాలా సమయం ఉంటుంది. స్వేచ్ఛగా బరిలోకి దిగుతారు. మానసిక ఒత్తిళ్లు ఉండవు. కాబట్టి టెస్టు ఛాంపియన్షిప్ గెలవడానికి కోహ్లీ సేనకు అవకాశం ఉంటుంది" అని గావస్కర్ పేర్కొన్నాడు.
ఇవీ చదవండి:
