న్యూజిలాండ్ ఓపెనర్ డెవాన్ కాన్వే టెస్టుల్లో సరికొత్త రికార్డును నెలకొల్పాడు. లార్డ్స్ వేదికగా ఇంగ్లాండ్తో జరుగుతోన్న టెస్టు సిరీస్లోని తన అరంగేట్ర మ్యాచ్లో సెంచరీ సాధించిన ఆరో క్రికెటర్గా కాన్వే ఘనత సాధించాడు. దీంతో ఈ స్టేడియంలో 25 ఏళ్లుగా టీమ్ఇండియా మాజీ కెప్టెన్ సౌరవ్ గంగూలీ పేరిట ఉన్న రికార్డును అధిగమించాడు.
లెఫ్ట్హ్యాండ్ బ్యాట్స్మన్ అయిన కాన్వే ప్రస్తుత మ్యాచ్లో 136 పరుగులతో నాటౌట్గా నిలిచాడు. ఇదే వేదికగా టీమ్ఇండియా మాజీ కెప్టెన్ సౌరవ్ గంగూలీ 1996లో అరంగేట్రం చేశాడు. తొలిమ్యాచ్లోనే 131 పరుగులతో అలరించాడు. అయితే లార్డ్స్లో అరంగేట్రమ్యాచ్లో అత్యధిక పరుగులు(131 రన్స్) చేసిన గంగూలీ రికార్డును ఇప్పుడు న్యూజిలాండ్ బ్యాట్స్మన్ డెవాన్ కాన్వే (136 రన్స్) అధిగమించాడు. ఇందులో యాదృచ్ఛికం ఏమిటంటే వీరిద్దరూ జన్మించింది జులై 8నే!
లార్డ్స్ వేదికగా ఇంగ్లాండ్తో జరుగుతోన్న మొదటి టెస్టులోని టాస్ గెలిచి బ్యాటింగ్ ఎంచుకున్న న్యూజిలాండ్ జట్టు.. తొలిరోజు ఆట ముగిసే సమయానికి 3 వికెట్ల నష్టానికి.. 246 పరుగులు చేసింది. ప్రస్తుతం క్రీజులో డెవాన్ కాన్వే(136), హెర్నీ నికోలస్(46) ఉన్నారు.
ఇదీ చూడండి: అత్యుత్తమ టెస్టు సారథులు.. వారి రికార్డులు!
