IPL 2022 Shikhar Dhawan: భారత స్టార్ ఓపెనర్ శిఖర్ ధావన్ ఐపీఎల్లో అరుదైన రికార్డు సొంతం చేసుకున్నాడు. ఈ లీగ్లో 6 వేల పరుగులు చేసిన రెండో బ్యాటర్గా రికార్డుకెక్కాడు. సీఎస్కేతో మ్యాచ్లో రెండో ఓవర్ తొలి బంతికి సింగిల్ తీసి.. ఐపీఎల్లో 6వేల పరుగులు పూర్తి చేసుకున్నాడు ధావన్. మెగాలీగ్లో విరాట్ కోహ్లీ తర్వాత అత్యధిక పరుగులు చేసిన ఆటగాడిగా కొనసాగుతున్నాడు ధావన్. విరాట్ కోహ్లీ 6402 పరుగులతో తొలి స్థానంలో ఉన్నాడు.
Shikhar Dhawan t20 runs: అదేసమయంలో ఐపీఎల్, అంతర్జాతీయ టీ20లు కలిపి 9 వేలకు పైగా పరుగులు చేశాడు ధావన్. ఇదే ఇన్నింగ్స్లో ఈ ఘనత అందుకున్నాడు. కోహ్లీ, రోహిత్ తర్వాత టీ20లలో అత్యధిక పరుగులు చేసిన బ్యాటర్గా ధావన్ కొనసాగుతున్నాడు. టీ20ల్లో కోహ్లీ, రోహిత్ ఇప్పటికే పది వేలకు పైగా పరుగులు చేశారు. ధావన్కు ఇది 200వ ఐపీఎల్ మ్యాచ్ కాగా.. ఇందులోనే రెండు రికార్డులు నమోదు చేయడం విశేషం.
Dhawan IPL records: ఐపీఎల్లో బెస్ట్ ఓపెనర్లలో ఒకడిగా ధావన్ రికార్డుకెక్కాడు. ఈ లీగ్లో రెండు వరుస ఇన్నింగ్స్ల్లో సెంచరీలు చేసిన తొలి బ్యాటర్గా ఘనత సాధించాడు. 45 అర్ధశతకాలు అతడి పేరుమీద ఉన్నాయి. గతంలో ముంబయి, డెక్కన్ ఛార్జర్స్, సన్రైజర్స్, దిల్లీ జట్లకు ప్రాతినిధ్యం వహించాడు గబ్బర్.
