బెంగళూరుతో గురువారం జరిగిన మ్యాచ్లో పంజాబ్ కెప్టెన్ కేఎల్ రాహుల్ విధ్వంసక బ్యాటింగ్ చేశాడు. ఈ క్రమంలోనే రెండు రికార్డులను నమోదు చేశాడు. కేవలం 69 బంతుల్లో 132 (14 ఫోర్లు, 7 సిక్సర్లు) పరుగులు చేసి.. ఈ సీజన్లో తొలి సెంచరీ చేసిన బ్యాట్స్మన్గా నిలిచాడు. మరో రికార్డును సృష్టించాడు.
సెంచరీతో చెలరేగిన రాహుల్.. ఐపీఎల్లో 2 వేల పరుగుల మైలురాయిని అందుకున్నాడు. టోర్నీలో ఈ ఘనతను వేగంగా చేరుకున్న భారత బ్యాట్స్మన్గా నిలిచాడు. గతంలో ముంబయి ఇండియన్స్ ఆటగాడు సచిన్ (63 ఇన్నింగ్స్) రికార్డును రాహుల్ (60 ఇన్నింగ్స్) అధిగమించాడు.
ఈ మ్యాచ్లో టాస్ ఓడి తొలుత బ్యాటింగ్ చేసిన పంజాబ్.. నిర్ణీత ఓవర్లలో 206 పరుగులు చేసింది. ఛేదనలో బెంగళూరు 17 ఓవర్లలో 109 పరుగులకే ఆలౌటైంది. పంజాబ్ తర్వాతి మ్యాచ్ను రాజస్థాన్తో(సెప్టెంబరు 27న), ఆర్సీబీ ముంబయి ఇండియన్స్తో(సెప్టెంబరు 28న) తలపడనుంది.
