దాదాపు ప్లేఆఫ్స్ రేసు నుంచి నిష్క్రమించిన సన్రైజర్స్ హైదరాబాద్.. పాయింట్ల పట్టికలో రెండో స్థానంలో ఉన్న దిల్లీతో తలపడనుంది. దుబాయ్ వేదికగా ఈ పోరు జరగనుంది. గత మ్యాచ్లో ఓటమికి ప్రతీకారం తీర్చుకోవాలని దిల్లీ భావిస్తోంది. మరోవైపు ఇందులో గెలిచి పరువు నిలుపుకోవాలని వార్నర్ సేన అనుకుంటోంది.
ఓడిపోతుందా.. గెలుస్తుందా?
లీగ్ ప్రారంభం నుంచి అదరగొడుతున్న దిల్లీ.. గత రెండు మ్యాచ్ల్లోనూ పేలవ ప్రదర్శన చేసి నిరాశ పరిచింది. వరుసగా రెండు సెంచరీలు బాదిన ధావన్, కోల్కతాతో మ్యాచ్లో దారుణంగా విఫలమయ్యాడు. కెప్టెన్ శ్రేయస్ అయ్యర్, పంత్లో నిలకడ లోపిస్తోంది. మిగత వారు విఫలమవుతున్నారు. బౌలింగ్లో అన్రిచ్, స్టొయినిస్, అశ్విన్, రబాడా బాగానే ఆడుతున్నప్పటికీ బ్యాట్స్మెన్ నుంచి సహకారం అందట్లేదు.
ఏమో కష్టమే!
లీగ్ ప్రారంభం నుంచి అస్థిర ప్రదర్శన చేసిన హైదరాబాద్.. ఇప్పటికే ప్లేఆఫ్స్ రేసును దాదాపుగా తప్పుకుంది. వార్నర్, బెయిర్ స్టో, మనీశ్ పాండే, విజయ్ శంకర్ ఓ మ్యాచ్లో అదరగొడితే మరో పోరులో తేలిపోతున్నారు. బౌలర్లలో హోల్డర్, రషీద్ ఖాన్, నటరాజన్ కూడా అంతే. కానీ ఈ సీజన్లో ఇంతకముందు ఓడించినట్లే దిల్లీని మరోసారి ఓడించాలని భావిస్తోంది.
జట్లు (అంచనా)
హైదరాబాద్ : డేవిడ్ వార్నర్ (కెప్టెన్), బెయిర్స్టో, విలియమ్సన్, మనీశ్ పాండే, ప్రియమ్ గార్గ్, విజయ్ శంకర్, జేసన్ హోల్డర్, రషీద్ ఖాన్, ఖలీల్ అహ్మద్, సందీప్ శర్మ, నటరాజన్
దిల్లీ క్యాపిటల్స్ : శిఖర్ ధావన్, అజింక్య రహానె, శ్రేయస్ అయ్యర్ (కెప్టెన్), రిషబ్ పంత్, స్టోయినిస్, హెట్మెయిర్, అక్షర్ పటేల్, రవిచంద్రన్ అశ్విన్, రబాడ, తుశార్ దేశ్పాండే, అన్రిచ్
ఇదీ చూడండి 'స్టోక్స్, శాంసన్ ఇన్నింగ్స్ అద్భుతం'
