రాయల్ ఛాలెంజర్స్ బెంగళూరు జట్టు.. ఈ ఐపీఎల్లో ఆడిన తొలి మూడు మ్యాచ్ల్లో అదృష్టం కొద్దీ రెండింటిలో విజయం సాధించింది. అయితే సారథి కోహ్లీని మాత్రం దురదృష్టం వెంటాడుతుందనే చెప్పాలి. మూడు మ్యాచుల్లోనూ ఘోరంగా విఫలమై అభిమానులకు నిరాశే మిగులుస్తున్నాడు.
తొలి మ్యాచ్ సన్రైజర్స్పై ఆర్సీబీ విజయం సాధించినా.. ఇందులో కోహ్లీ కేవలం 14పరుగులు మాత్రమే చేశాడు. ఆ తర్వాత పంజాబ్పై ఒక పరుగు చేసి దారుణంగా విఫలమయ్యాడు. కాగా, ఇదే మ్యాచ్లో ఓవర్లు నెమ్మదిగా వేసినందుకు అతడిపై ఏకంగా రూ.12లక్షల జరిమానా విధించారు లీగ్ అధికారులు. అనంతరం మంబయితో జరిగన పోరులో మూడు పరుగులే చేయగలిగాడు. మొత్తంగా ఇప్పటివరకు 17 పరుగులే చేసి అభిమానులను నిరాశపరిచాడు.
అయితే దీనిపై స్పందించిన కోహ్లీ చిన్ననాటి కోచ్ రాజ్కుమార్ శర్మ.. "ఆటలో మంచి, చెడు రోజులు ఉంటాయి. అతడు యంత్రం కాదని, అందరిలాగానే మనిషి అని గుర్తుపెట్టుకోవాల్సిన అవసరం ఉంది. అతడో గొప్ప ఆటగాడు. త్వరలోనే బాగా ఆడతాడు. అభిమానులు నిరుత్సాహపడకండి" అని అన్నాడు.
ఇదీ చూడండి బేబీ.. నేనెంతో గర్వపడుతున్నా: ఇషాన్ ప్రేయసి!
