ప్రస్తుత లీగ్లో కోల్కతా నైట్రైడర్స్ పేలవ ప్రదర్శనపై ఆ జట్టు అభిమానుల నుంచి విమర్శలు వస్తున్నాయి. కేకేఆర్ కెప్టెన్ దినేశ్ కార్తిక్ బ్యాటింగ్లో ఆశించినంతగా రాణించకపోవడం వల్ల కెప్టెన్ పగ్గాలను అతడికి బదులుగా ఇయాన్ మోర్గాన్కు అప్పగించాలని సూచనలు వచ్చాయి. కానీ, జట్టు యాజమాన్యం మాత్రం దినేశ్ కార్తిక్పై పూర్తి విశ్వాసాన్ని ఉంచింది. అతడే జట్టును నడిపిస్తాడని స్పష్టం చేసింది. అయితే చెన్నై సూపర్కింగ్స్తో బుధవారం జరిగే మ్యాచ్లో కెప్టెన్గా దినేశ్ కార్తిక్ తిరిగి రాణిస్తాడా? తనపై యాజమాన్యం పెట్టుకున్న నమ్మకాన్ని నిలబెడతాడా? అనే విషయాలపై పలువురు క్రికెట్ విశ్లేషకులు చర్చించుకుంటున్నారు.
కీలక మార్పులు అవసరం
కోల్కతా నైట్రైడర్స్ కెప్టెన్ దినేశ్ కార్తిక్ పేలవ ప్రదర్శనతో గత నాలుగు మ్యాచ్ల్లో కేవలం 37 పరుగులనే రాబట్టగలిగాడు. బ్యాటింగ్ లైనప్లో మోర్గాన్, ఆండ్రూ రస్సెల్ వంటి హిట్టర్లను కాదని తాను ముందుగా రావడం పట్ల కార్తిక్పై ఆ జట్టు అభిమానుల నుంచి తీవ్ర విమర్శలు వెల్లువెత్తాయి.
బిగ్బాష్ లీగ్లో రాణించిన టామ్ బాంటన్ను పక్కనపెట్టి ఓపెనర్గా సునీల్ నరైన్ను పంపడంపై ఆ జట్టు అభిమానులు అసహనానికి గురవుతున్నారు. గత నాలుగు మ్యాచ్ల్లో 87.09 స్ట్రైక్రేట్తో నరైన్ కేవలం 27 పరుగులే చేశాడు. ఇలాంటి పరిస్థితుల్లో జట్టులో అందుబాటులో ఉన్న హిట్టర్లను ఓపెనర్లుగా పరిశీలించే అవకాశం ఉంది. కానీ, కార్తిక్ ఈ అవకాశాలను సద్వినియోగం చేసుకోలేకపోయాడు.
మార్పులేవీ ఉండకపోవచ్చు
ప్రస్తుత ఐపీఎల్లో చెన్నై సూపర్కింగ్స్ దూకుడు పెంచింది. ప్రారంభ మ్యాచ్లో ముంబయిపై గెలుపొందినా.. ఆ తర్వాత జరిగిన మూడు మ్యాచ్ల్లో పరాజయం పాలైంది. కానీ, కింగ్స్ ఎలెవన్ పంజాబ్తో ఆదివారం జరిగిన మ్యాచ్లో అద్భుతంగా రాణించింది. ప్రస్తుతం టేబుల్ దిగువభాగంలో ఉండకుండా టాప్-4 స్థానాల్లో నిలిచేందుకు జట్టు కృషి చేస్తోంది. పంజాబ్పై విజయంతో పూర్వవైభవాన్ని తెచ్చుకున్న సీఎస్కే తుదిజట్టులో దాదాపు మార్పులేవి జరిగే అవకాశం లేదు. గతమ్యాచ్లో ఓపెనర్లుగా షేన్ వాట్సన్, డుప్లెసిస్ అద్భుత ప్రదర్శన చేశారు. వీరిద్దరి భాగస్వామ్యం వికెట్ కోల్పోకుండా జట్టుకు విజయాన్ని అందించింది.
చెన్నై సూపర్కింగ్స్, కోల్కతా నైట్రైడర్స్ మధ్య మ్యాచ్ భారత కాలమానం ప్రకారం బుధవారం రాత్రి 7 గంటల 30 నిమిషాలకు ప్రారంభం కానుంది.
జట్లు
కోల్కతా నైట్ రైడర్స్: దినేశ్ కార్తీక్ (కెప్టెన్, వికెట్ కీపర్), ఆండ్రూ రస్సెల్, కమలేశ్ నాగర్‌కోటి, కుల్దీప్ యాదవ్, లూకీ ఫెర్గూసన్, నితీశ్ రానా, ప్రసిద్ కృష్ణ, రింకూ సింగ్, సందీప్ వారియర్, శివం మావి, శుభ్మన్ గిల్, ఇయాన్ మోర్గాన్, వరుణ్ చక్రవర్తి, టామ్ బాంటన్, రాహుల్ త్రిపాఠి, క్రిస్ గ్రీన్, ఎం సిద్ధార్థ్, నిఖిల్ నాయక్, అలీ ఖాన్.
చెన్నై సూపర్ కింగ్స్: యంఎస్ ధోనీ (కెప్టెన్, వికెట్ కీపర్), మురళీ విజయ్, అంబటి రాయుడు, ఫాఫ్ డుప్లెసిస్, షేన్ వాట్సన్, కేదార్ జాదవ్, డ్వేన్ బ్రావో, రవీంద్ర జడేజా, లుంగీ ఎంగిడి, దీపక్ చాహర్, పియూష్ చావ్లా, ఇమ్రాన్ తాహిర్, జోష్ హిట్జ్, శార్దుల్ ఠాకూర్, సామ్ కరన్, ఎన్ జగదీసన్, కెఎమ్ ఆసిఫ్, మోను కుమార్, ఆర్ సాయి కిషోర్, రుతురాజ్ గైక్వాడ్, కరన్ శర్మ.
