IND VS IRE 3rd T20 : మొదటి రెండు మ్యాచ్‌ల్లో విజయం సాధించి ఇప్పటికే సిరీస్ను సొంతం చేసుకుంది టీమ్ఇండియా. ఇప్పుడు క్లీన్‌స్వీప్‌పై కన్నేసింది. ఐర్లాండ్తో ఆఖరి పోరులో తలపడేందుకు సిద్ధమైంది. బుధవారం(ఆగస్ట్ 23) చివరి మూడో టీ20లో పోటిపడనుంది.
- గాయాల నుంచి కోలుకుని పునరాగమనం చేసిన పేస్‌ బౌలర్లు జస్‌ప్రీత్‌ బుమ్రా, ప్రసిద్ధ్‌ కృష్ట.. ఫిట్‌నెస్‌ను నిరూపించుకుని అద్భుతంగా రాణించడం టీమ్కు సంతోషాన్నిచ్చే అంశం. ఇప్పుడు రిజర్వ్‌ ప్లేయర్లను పరీక్షించేందుకు ఈ నామమాత్రమైన మ్యాచ్... టీమ్ఇండియాకు మంచి అవకాశం.
- అవేశ్ ఖాన్‌, జితేశ్‌ శర్మ, షాబాజ్‌ అహ్మద్‌ ఇప్పటివరకు ఈ సిరీస్ బరిలోకి దిగలేదు. వాస్తవానికి వెస్టిండీస్ టూర్ జట్టులో ఉన్న అవేశ్ మొత్తంగా వరుసగా ఏడు మ్యాచ్‌ల్లో బెంచ్లోనే ఉన్నాడు. కాబట్టి నిలకడగా ఆడలేకపోతున్న అర్ష్‌దీప్‌ సింగ్‌ ప్లేస్లో అతడిని తుది జట్టులోకి తీసుకునే ఛాన్స్ ఉంటుంది.
- సంజు శాంసన్‌కు రెస్ట్ ఇచ్చి.. వికెట్‌కీపర్‌ బ్యాటర్‌ జితేశ్‌ శర్మకు అరంగేట్రం చేసే ఛాన్స్ ఇవ్వొచ్చు.
- దేవధర్‌ ట్రోఫీలో అద్భుతంగా రాణించిన షాబాజ్‌ అహ్మద్‌.. టీమ్ఇండియాకు మరో ఆల్‌రౌండ్‌ ప్రత్యామ్నాయం అని చెప్పొచ్చు. వాషింగ్టన్‌ సుందర్‌కు రెస్ట్ ఇచ్చి షాబాజ్‌ను ఆడించే ఛాన్స్లు ఉన్నాయి.
- ఆసియాకప్‌కు ముందు కెప్టెన్‌ బుమ్రా, ప్రసిద్ధ్‌ కృష్ణ మరింత ప్రాక్టీస్ అవసరం. కాబట్టి.. వారికి రెస్ట్ ఇవ్వరు.
- ఫైనల్గా సంజు ప్లేస్లో జితేశ్‌ను ఆడించడం తప్ప బ్యాటింగ్‌ ఆర్డర్‌లో ఇంకేమీ మార్పులు ఉండకపోవచ్చు. రెండో టీ20తో అరంగేట్రం చేసిన రింకూ.. 21 బంతుల్లో 38 పరుగులతో ఆకట్టుకున్నాడు. అతడితో పాటు యశస్వి, రుతురాజ్‌ గైక్వాడ్‌లు బాగా ఆడాలని ప్రయత్నిస్తున్నారు.
- ఇక ఐర్లాండ్ తరఫున ఎడమచేతి వాటం స్పిన్నర్‌ వాన్‌ వోర్కమ్‌ అరంగేట్రం చేసే ఛాన్స్ ఉంది. మొత్తంగా ఫేవరెట్‌గా బరిలోకి దిగుతున్న టీమ్ఇండియా క్లీన్స్వీప్ చేసే అవాకాశాలే ఎక్కువగా ఉన్నాయి.
- ఇక పిచ్‌ విషయానికొస్తే.. వాతావరణం మబ్బు పట్టి ఉంది. ఆటకు వర్షం అంతరాయం కలిగించే ఛాన్స్ ఉంది. చూడాలి ఏం జరుగుతుందో..
Rohit Sharma Asia Cup 2023 : ఈ 'ఐదు' స‌చిన్ రికార్డుల‌ను రోహిత్ బ్రేక్ చేస్తాడా?
