టీమ్ఇండియా క్రికెటర్ రిషభ్పంత్ను ప్రశంసించాడు ఇంగ్లాండ్ ప్లేయర్ జాస్ బట్లర్. పంత్ ఆటతీరు అద్భుతంగా ఉంటుందని, దాన్ని తాను బాగా ఆస్వాదిస్తాడని చెప్పాడు. అతడు భయం ఎరుగని క్రికెటర్ అని కితాబిచ్చాడు. వచ్చే నెల 8వ తేదీ నుంచి ఆస్ట్రేలియాతో జరగనున్న యాషెస్ సిరీస్లో పంత్ తరహా భయం లేకుండా ఆడటానికి ప్రయత్నిస్తాడని అన్నాడు. ఆస్ట్రేలియాపై టీమ్ఇండియా టెస్ట్ సిరీస్ గెలిచిన సందర్భాన్ని గుర్తుచేసుకున్నాడు బట్లర్.
"ఆస్ట్రేలియాలో పంత్ ఆటతీరును బాగా ఆస్వాదించా. పరిస్థితికి తగ్గట్టు అటు దూకుడుని ఇటు డిఫెన్స్ను సమన్వయం చేసుకుంటూ అతడు ఆడేతీరు నాకు బాగా ఇష్టం. అతడికి భయమంటే తెలియదు. నేను కూడా అతడి తరహాలో భయం లేకుండా ఆడటానికి ప్రయత్నిస్తాను."
-జాస్ బట్లర్, ఇంగ్లాండ్.
టీ20వరల్డ్కప్ సెమీఫైనల్లో న్యూజిలాండ్పై ఓడిపోయింది ఇంగ్లాండ్. దీని గురించి మాట్లాడుతూ.. "ఈ మెగాటోర్నీలోకి ఇంగ్లాండ్ ఎన్నో ఆశలు, భారీ అంచనాలతో బరిలోకి దిగింది. కానీ అనుకున్నది జరగలేదు. ఇక టోర్నీ చివరికి వచ్చే సరికి నేను క్రికెట్ గురించి ఎక్కువగా పట్టించుకోకుండా సమయం గడపడానికి ప్రయత్నించాను." అని అన్నాడు.
ఇదీచూడండి: కివీస్తో టెస్టులకు జట్టు ప్రకటన.. రోహిత్, పంత్కు విశ్రాంతి
