Heath Streak Death : జింబాబ్వే క్రికెట్ జట్టు మాజీ కెప్టెన్ హీత్ స్ట్రీక్ (Heath Streak) ఆదివారం తెల్లవారుజామున తుదిశ్వాస విడిచాడు. 49 ఏళ్ల హీత్.. క్యాన్సర్తో పోరాడుతూ కన్నుమూసినట్లు అతడి కుటుంబ సభ్యులు తెలిపారు. దీంతో క్రికెట్ ప్రపంచం శోకసంద్రంలో మునిగింది. ఆయన మృతి పట్ల పలువురు సోషల్ మీడియా వేదికగా సంతాపం తెలుపుతున్నారు.
ఇక హీత్ స్ట్రీక్ ఆల్రౌండర్గా తన దేశానికి ఎంతో సేవ చేశాడు. హీత్.. 1993-2005 మధ్య కాలంలో జింబాబ్వే జాతీయ జట్టుకు ప్రాతినిధ్యం వహించాడు. తన కెరీర్లో అంతర్జాతీయంగా 65 టెస్టులు, 189 వన్డే మ్యాచ్లు ఆడాడు. రెండు ఫార్మాట్లలో కలిపి 4,933 పరుగులు, 455 వికెట్లు పడగొట్టాడు. అయితే హీక్ స్ట్రీక్ జాతీయ జట్టుకు ప్రాతినిధ్యం వహించిన సమయంలోనే.. జింబాబ్వే జట్టును మెరుగ్గా తీర్చిదిద్దాడు.
జట్టులో కెప్టెన్గా, ఆల్రౌండర్గా రాణిస్తూ.. జట్టుకు ఎన్నో విజయాలు కట్టబెట్టాడు. ఇక 65 టెస్టుల్లో 216 వికెట్లు తీసి.. జింబాబ్వే తరఫున హైయెస్ట్ వికెట్ టేకర్గా నిలిచాడు. చివరిసారిగా 2005లో భారత్పై టెస్టు మ్యాచ్ ఆడాడు స్ట్రీక్. తర్వాత క్రికెట్కు గుడ్బై చెప్పాడు. ఆ తర్వాత 2016 -2018 కాలంలో జింబాబ్వే జట్టుతో పాటు దేళవాళీ లీగ్ల్లో ఆయా జట్లకు కోచ్గా వ్యవహరించాడు. బంగ్లాదేశ్ జాతీయ జట్టుకు బౌలింగ్ కోచ్గానూ స్ట్రీక్ బాధ్యతలు నిర్వర్తించాడు.
స్ట్రీక్ అప్పుడే చనిపోయాడంటూ..
ఇటీవలె స్ట్రీక్ చికిత్స తీసుకుంటున్న సమయంలోనే మరణించాడంటూ అతడి అనుచరుడు హెన్రీ ఒలొంగా ట్వీట్ చేశాడు. అయితే కొద్ది నిమిషాల్లోనే ఈ విషయం సోషల్ మీడియాలో వైరల్గా మారి.. పలువురు క్రీడా ప్రముఖులు స్ట్రీక్కు సంతాపం ప్రకటించారు. కాసేపటి తర్వాత స్ట్రీక్ బతికే ఉన్నాడని తెలుసుకున్న హెన్రీ ఒలొంగా.. వెంటనే మరో ట్వీట్ చేశాడు. "స్ట్రీక్ మరణం పట్ల వార్తలనీ రూమర్స్. హీత్ స్ట్రీక్ బతికే ఉన్నారు. థర్డ్‌ అంపైర్‌ అతడిని వెనక్కి పిలిచాడు" అంటూ హెన్రీ ట్వీట్లో రాసుకొచ్చాడు. ఇదిలాఉండగా.. ఇలాంటి విషయాలను ధ్రువీకరించుకోకుండా తొందరపాటుగా అలా పోస్ట్ చేయడం ఏంటంటూ.. నెట్టింట స్ట్రీక్ ఫ్యాన్స్ హెన్రీ ఒలొంగాపై మండిపడ్డారు.
IPL 2023: మినీ వేలంలో ఆ జింబాబ్వే క్రికెటర్కు ఫుల్ డిమాండ్!.. కన్నేసిన మూడు టీమ్లు..
