క్రికెట్​కు గుర్​కీరత్ గుడ్​బై - రిటైర్మెంట్ ప్రకటించిన యంగ్ బ్యాటర్

Gurkeerat Singh Mann Retirement : టీమ్ఇండియా యంగ్ బ్యాటర్ గుర్​కీరత్ సింగ్ మాన్.. సంచలన నిర్ణయం తీసుకున్నాడు. అతడు శుక్రవారం అంతర్జాతీయ క్రికెట్​కు గుడ్ బై చెప్పాడు.​

Gurkeerat Singh Mann Retirement : టీమ్ఇండియా యంగ్ బ్యాటర్ గుర్​కీరత్ సింగ్ మాన్​.. అంతర్జాతీయ క్రికెట్​కు వీడ్కోలు పలికాడు. గత మూడేళ్లుగా ఆటకు దూరంగా ఉంటున్న గుర్​కీరత్.. ఈ విషయాన్ని స్వయంగా సోషల్ మీడియా వేదిక ద్వారా ప్రకటించాడు.​ 2016లో ఇంటర్నేషనల్ క్రికెట్​లో అరంగేట్రం చేసిన అతడు.. కేవలం మూడే వన్డే మ్యాచ్​లు ఆడాడు. ఆ తర్వాత మళ్లీ జాతీయ జట్టులో అడే అవకాశం గుర్​కీరత్​కు దక్కలేదు. ఇక 2012లో ఐపీఎల్​ అరంగేట్రం చేసి.. దాదాపు 7 సీజన్​లు పంజాబ్ కింగ్స్ తరఫున ప్రాతినిధ్యం వహించాడు. ఇక 2020లో రాయల్ ఛాలెంజర్స్ జట్టు తరఫున కెరీర్​లో చివరిసారిగా మ్యాచ్​ ఆడాడు. 2022లో గుజరాత్ జట్టులో ఉన్నప్పటికీ.. గుర్​కీరత్​కు బరిలో దిగే అవకాశం రాలేదు. ఇక డొమెస్టిక్​ లీగ్​ల్లో మాన్​.. ఇప్పటికీ సొంత రాష్ట్రమైన పంజాబ్​కు ప్రాతినిధ్యం వహిస్తున్నాడు.

"ఈ రోజుతో క్రికెట్​లో అద్భుతమైన నా జర్నీ ముగిసింది. టీమ్ఇండియాకు ప్రాతినిధ్యం వహించడం నాకెంతో గర్వకారణం. నన్ను ప్రోత్సహించి, నాకు మద్ధతుగా నిలిచిన బీసీసీఐ, పీసీబీ (పంజాబ్ క్రికెట్ అసోసియేషన్)కు ప్రత్యేక ధన్యవాదాలు. నా కెరీర్​లో నాకు సపోర్ట్​గా నిలిచిన ఫ్యామిలీ, ఫ్రెండ్స్, కోచ్​లు, నాతోటి ఆటగాళ్లకు కూడా థాంక్స్" అని 33 ఏళ్ల మాన్ సోషల్ మీడియాలో రాసుకొచ్చాడు. అతడి పోస్ట్​కు పలువురు క్రికెటర్లు స్పందించారు. అతడి తదుపరి కెరీర్​కు ఆల్ ది బెస్ట్ తెలుపుతున్నారు.

• View this post on Instagram

  A post shared by Gurkeerat Mann (@gurkeeratmann)

మాన్ కెరీర్​లో అత్యుత్తమ ప్రదర్శనలు..

• ఫస్ట్​క్లాస్​ కెరీర్​లో 49 మ్యాచ్​ల్లో 2942 పరుగులు చేశాడు
• లిస్ట్​ A కెరీర్​లో 77 మ్యాచ్​లు ఆడిన మాన్.. 2703 పరుగులు చేశాడు.
• 2015 - 16 రంజీ ట్రోఫీలో గుర్​కీరత్ డబుల్ సెంచరీ బాదాడు.
• గుర్​కీరత్ మాన్​.. 2021 - 22 విజయ్ హరారే ట్రోఫీలో పంజాబ్​ జట్టులో టాప్​ స్కోరర్​గా నిలిచాడు.
• ఐపీఎల్​లో 41 మ్యాచ్​లు ఆడిన మాన్.. 121 స్టైక్ రేట్​తో 511 పరుగులు చేశాడు. 5 వికెట్లు కూడా పడగొట్టాడు.