తమ తొలి మ్యాచ్ల్లో గెలిచి టోర్నీని ఘనంగా ఆరంభించాయి ఆస్ట్రేలియా, వెస్టిండీస్. ఈ రెండు జట్లు ట్రెంట్బ్రిడ్జ్ వేదికగా నేడు తలపడనున్నాయి. వెస్టిండీస్ బౌలింగ్ బలంగా ఉంది. ఆస్ట్రేలియాకు బ్యాట్స్మెన్ వరంలా మారారు. వార్నర్ ఫామ్లోకి రావడం కంగారూలకు కలిసొచ్చే అంశం.
గత మ్యాచ్లో పాకిస్థాన్ను 105 పరుగులకే కట్టడి చేసింది వెస్టిండీస్. ఒషానో థామస్ అద్భుతమైన బౌలింగ్ చేసి విండీస్ విజయంలో కీలక పాత్ర పోషించాడు. కెప్టెన్ హోల్డర్, రసెల్ సహకారంతో పాక్పై 7 వికెట్ల తేడాతో గెలిచింది కరీబియన్ జట్టు.
తన తొలి మ్యాచ్లో అఫ్గానిస్థాన్పై పూర్తి ఆధిపత్యం చెలాయించిన ఆస్ట్రేలియా... ఏడు వికెట్ల తేడాతో విజయం సాధించింది. విండీస్తో మ్యాచ్లోనూ అదే ఊపు కొనసాగించాలని భావిస్తోంది. ఆటగాళ్లు సమష్టి రాణిస్తుండటం ఆ జట్టు బలం.
జట్లు (అంచనా)
ఆస్ట్రేలియా: ఫించ్(కెప్టెన్), వార్నర్, స్మిత్, ఖవాజా, మాక్సెవెల్, స్టార్క్, కౌల్టర్నైల్, కమిన్స్, జంపా, స్టొయినిస్, క్యారీ
వెస్టిండీస్: క్రిస్ గేల్, డారీన్ బ్రావో, రసెల్, నర్స్, బ్రాత్వైట్, హోల్డర్(కెప్టెన్), కాట్రల్, పూరన్, హెట్మైర్, హోప్, థామస్
ఇది చదవండి: కోహ్లి ఫొటో పోస్ట్ చేసిన ఐసీసీ- షాకిచ్చిన నెటిజన్లు