నటరాజన్.. టీమ్ఇండియా అమ్ములపొదిలో కొత్త పేస్ అస్త్రం. ఓ మారుమూల గ్రామం నుంచి వచ్చిన ఇతడు.. బ్యాట్స్‌మెన్‌కు సమాధానం దొరకని యార్కర్లు, ఆఫ్‌ కట్టర్లు, నెమ్మది బంతులతో జట్టులో కీలక ఆటగాడిగా ఎదుగుతున్నాడు. సీనియర్‌ పేసర్లుతో సమానంగా పేస్ దళం బాధ్యతలు చక్కగా నిర్వర్తించాడు. ఆస్ట్రేలియాపై భారత్‌ సిరీస్‌ గెలవడంలో కీలకపాత్ర పోషించి ఓవర్నైట్ స్టార్గా ఎదిగిపోయాడు. అతడి కెరీర్ చాలా వేగంగా మలుపులు తిరగడం చర్చనీయాంశమైంది.
దీంతో నట్టూ బయోపిక్ తీసేందుకు దక్షిణ, బాలీవుడ్ దర్శకులు ఆసక్తి చూపుతున్నారు. ఈ విషయమై తనతో చాలా మంది దర్శకనిర్మాతలు సంప్రదింపులు కూడా జరిపారని తెలిసింది. అయితే ఆ ఆఫర్లను సున్నితంగా తిరస్కరించాడని క్రికెట్ వర్గాలు తెలిపాయి. తాను సాధించాల్సిన విజయాలు ఇంకా ఎన్నో ఉన్నాయని ప్రస్తుతం తన దృష్టంతా టీమ్ఇండియాకు ఆడటంపైనే ఉందని అన్నాడని వెల్లడించాయి. ఈ విషయం తెలిసిన క్రికెట్ అభిమానులు నట్టూ తీసుకున్న నిర్ణయంపై ప్రశంసల జల్లు కురిపిస్తున్నారు.
నెట్ బౌలర్గా ఎంపికై
ఐపీఎల్‌ 2020 సీజన్‌లో సన్‌రైజర్స్‌ హైదరాబాద్‌కు ప్రాతినిథ్యం వహించిన నటరాజన్.. అద్భుత ప్రదర్శన కనబరిచి అందరీ దృష్టిని ఆకర్షించాడు. దీంతో ఆస్ట్రేలియా సిరీస్‌కు నట్టూను నెట్ బౌలర్గా ఎంపిక చేశారు. అయితే సిరీస్‌ మధ్యలో భారత బౌలర్లు గాయపడటం వల్ల అతడికి టీ20, వన్డే, టెస్టు మ్యాచుల్లో ఆడే అవకాశం వచ్చింది. జట్టు అంచనాలకు తగ్గట్టుగా అద్భుతంగా రాణించి అందరీ ప్రశంసలు అందుకున్నాడు.
ఇదీ చూడండి : నటరాజన్: పేదరికం నుంచి టీమ్ఇండియాలో చోటు వరకు
ఇదీ చూడండి : గుండు కొట్టించుకొని మొక్కు చెల్లించిన నటరాజన్
