న్యూజిలాండ్ పర్యటన కోసం 35 మందితో కూడిన పాకిస్థాన్ జట్టును సెలక్టర్లు ప్రకటించారు. అందులో ఆల్రౌండర్ షోయబ్ మాలిక్, పేసర్ మహమ్మద్ అమీర్లకు స్థానం కల్పించలేదు. యువతకు ఎక్కువ ప్రాధాన్యం ఇవ్వడం వల్ల వారిని సెలెక్ట్ చేయలేదని పీసీబీ ఓ ప్రకటనలో తెలిపింది.
ఐసీసీ ప్రపంచ టెస్టు ఛాంపియన్షిప్లో భాగంగా న్యూజిలాండ్-పాకిస్థాన్ మధ్య వచ్చే నెలలో టెస్టు సిరీస్ జరగనుంది. దాని కంటే ముందుగా డిసెంబరు 18, 20, 22 తేదీల్లో ఇరు జట్ల మధ్య టీ20 మ్యాచ్లను నిర్వహించనున్నారు. నవంబరు 23న కివీస్ పర్యటనకు పాక్ జట్టు బయలుదేరనుంది.
పాకిస్థాన్ టెస్టు జట్టుకు కెప్టెన్గా బాబర్ అజామ్ను మంగళవారం పీసీబీ నియమించగా.. వైస్ కెప్టెన్గా మొహమ్మద్ రిజ్వాన్ను ఎంపిక చేసింది. కరోనా వ్యాప్తి నేపథ్యంలో బయో-బబుల్ను ఏర్పాటు చేసి కివీస్, పాక్ జట్ల మధ్య ద్వైపాక్షిక సిరీస్ను నిర్వహించనున్నారు.
స్క్వాడ్:
ఓపెనర్లు: అబిద్ అలీ, ఇమామ్ ఉల్ హక్, అబ్దుల్లా షఫీక్, షాన్ మసూద్, ఫఖర్ జమాన్, జీషన్ మాలిక్.
మిడిల్ఆర్డర్ బ్యాట్స్మెన్: బాబర్ ఆజామ్ (కెప్టెన్), అజార్ అలీ, ఫవాద్ ఆలం, హుస్సేన్ తాలత్, హైదర్ అలీ, ఇమ్రాన్ భట్, హరిస్ సోహైల్, ఇఫ్తికర్ అహ్మద్, మొహమ్మద్ హఫీజ్, కుష్దిల్ షా, దానిష్ అజీజ్.
వికెట్ కీపర్లు: ముహమ్మద్ రిజ్వాన్, సర్ఫరాజ్ అహ్మద్, రోహైల్ నజీర్.
స్పిన్నర్లు: ఇమాద్ వసీమ్, షాదాబ్ ఖాన్, ఉస్మాన్ ఖాదిర్, యాసిర్ షా, జాఫర్ గోహర్.
ఫాస్ట్ బౌలర్లు: అమద్ భట్, ఫహీమ్ అష్రఫ్, హారిస్ రఫ్, ముహమ్మద్ మూస, ముహమ్మద్ హస్నైన్, ముహమ్మద్ అబ్బాస్, నసీమ్ షా, షాహీన్ షా అఫ్రిది, సోహైల్ ఖాన్, వహాబ్ రియాజ్.
