భారత స్పిన్నర్ ప్రజ్ఞాన్ ఓజా.. ఇటీవలే అన్ని ఫార్మాట్లకు రిటైర్మెంట్ ప్రకటించాడు. 2013లో చివరి టెస్టు ఆడిన ఇతడు.. ఆ తర్వాత ఒక్క అంతర్జాతీయ మ్యాచ్లోనూ పాల్గొనలేదు. అయితే ఆ టెస్టుకు ఓ ప్రత్యేకత ఉంది.
ఈ మ్యాచ్ దిగ్గజ సచిన్ తెందుల్కర్కు 200వ టెస్టు. అతడికిదే చివరి అంతర్జాతీయ మ్యాచ్. ఇందులోనే ఓజా.. రెండు ఇన్నింగ్స్ల్లో కలిపి పది వికెట్లతో సత్తా చాటాడు. భారత్ విజయం సాధించడంలో కీలక పాత్ర పోషించాడు. కానీ ఆ తర్వాత అంతర్జాతీయ కెరీర్ కొనసాగించలేకపోయాడు. చివరి మ్యాచ్లో పది వికెట్లు తీసి, కెరీర్కు ముగింపు పలికిన టీమిండియా ఏకైక బౌలర్ ఇతడే కావడం విశేషం.
2008లో అరంగేట్రం చేసిన ఓజా.. 2013 వరకు అంతర్జాతీయ మ్యాచ్ల్లో భారత్కు ప్రాతినిధ్యం వహించాడు. మొత్తంగా 24 టెస్టులు, 18 వన్డేలు, 8 టీ20లు ఆడాడు. టెస్టులో మొత్తంగా 113 వికెట్లు తీశాడు. దేశవాళీల్లో హైదరాబాద్ తరఫున ఆడాడు. ఐపీఎల్లో డెక్కన్ ఛార్జర్స్, ముంబయి ఇండియన్స్కు ఆడాడు. 2018లో బిహార్ తరఫున చివరి ఫస్ట్క్లాస్ మ్యాచ్లో పాల్గొన్నాడు.
ఇప్పటివరకూ తమ చివరి టెస్టులో 7 కంటే ఎక్కువ వికెట్లు తీసిన భారత్ క్రికెటర్లు ఎవరూ లేరు. ఓజా మాత్రమే రెండు ఇన్నింగ్స్ల్లోనూ ఐదేసి వికెట్లు తీసి సత్తాచాటాడు.
-
It’s time I move on to the next phase of my life. The love and support of each and every individual will always remain with me and motivate me all the time 🙏🏼 pic.twitter.com/WoK0WfnCR7
— Pragyan Ojha (@pragyanojha) February 21, 2020 " class="align-text-top noRightClick twitterSection" data="
">It’s time I move on to the next phase of my life. The love and support of each and every individual will always remain with me and motivate me all the time 🙏🏼 pic.twitter.com/WoK0WfnCR7
— Pragyan Ojha (@pragyanojha) February 21, 2020It’s time I move on to the next phase of my life. The love and support of each and every individual will always remain with me and motivate me all the time 🙏🏼 pic.twitter.com/WoK0WfnCR7
— Pragyan Ojha (@pragyanojha) February 21, 2020
