కోల్కతాలోని ఈడెన్ గార్డెన్స్ వేదికగా జరిగిన డేనైట్ టెస్టు కోసం నాలుగు రోజుల టిక్కెట్లు ముందుగానే అమ్ముడపోయాయి. ఐదో రోజుకు సంబంధించిన టికెట్లను కొంతమేర విక్రయించింది బంగాల్ క్రికెట్ సంఘం(క్యాబ్). అయితే మ్యాచ్ 3 రోజుల్లోనే పూర్తయి, బంగ్లాదేశ్పై టీమిండియా అద్భుత విజయాన్ని అందుకుంది. ఈ కారణంగా మిగిలిన రెండు రోజుల టికెట్ల సొమ్మును తిరిగి ఇవ్వాలని నిర్ణయించింది.
క్రికెట్ అభిమానులకు ఈ విధంగా సొమ్ము తిరిగి ఇవ్వడం చాలా అరుదు. సాధారణంగా రాష్ట్రాల క్రికెట్ బోర్డులు మ్యాచ్లు నిర్వహించినపుడు మిగిలిన రోజుల టికెట్ల మొత్తాన్ని తిరిగి ఇస్తారు. అంతర్జాతీయ క్రికెట్లో మ్యాచ్ రద్దయినపుడు లేదా ఆగిపోయినపుడు మాత్రమే సొమ్మును వాపసు చేస్తారు.
బంగ్లాతో జరిగిన ఈ టెస్టులో భారత్.. ఇన్నింగ్స్ 46 పరుగుల తేడాతో ఘన విజయం సాధించింది. రెండు టెస్టుల సిరీస్ను క్లీన్స్వీప్ చేసింది. తొలి ఇన్నింగ్స్లో ఇషాంత్ 5 వికెట్లతో రాణించగా.. రెండో ఇన్నింగ్స్లో ఉమేశ్ విజృంభిచాడు. కెప్టెన్ కోహ్లీ 136 పరుగులతో విజయంలో కీలక పాత్ర పోషించాడు.
టీమిండియా ఆడిన మ్యాచ్ల్లో, అతి తక్కువ బంతులే(161.2) బౌలింగ్ చేసిన టెస్టుగా ఈ గులాబి మ్యాచ్ మిగిలిపోయింది. 2018లో అఫ్గానిస్థాన్తో జరిగిన మ్యాచ్లో ఇరుజట్లు కలిసి 171.2 ఓవర్లు ఆడాయి.
ఇదీ చదవండి: కోహ్లీపై గావస్కర్ అసహనం.. ఏం జరిగిందంటే..!
