వెస్టిండీస్ పర్యటనలో పెద్దగా ఆకట్టుకోని టీమిండియా వికెట్ కీపర్ రిషభ్ పంత్ విమర్శలు ఎదుర్కొన్నాడు. త్వరలో స్వదేశంలో జరుగనున్న దక్షిణాఫ్రికా సిరీస్పైనే పూర్తిగా దృష్టి పెట్టానని చెబుతున్నాడీ క్రికెటర్. ఈ సిరీస్ను సరికొత్తగా ఆరంభించాలనుకుంటున్నానని అన్నాడు.
"దక్షిణాఫ్రికా సిరీస్ కోసం తీవ్రంగా సాధన చేశా. సానుకూల దృక్పథంతో బరిలోకి దిగాలనుకుంటున్నా. మంచి ఆరంభంతో అత్యుత్తమంగా ఆడాలనుకుంటున్నా. ఆటను మెరుగు పరుచుకుని, ఎక్కువ మ్యాచ్ల్లో భారత్ గెలిచేందుకు నా వంతు సహకారం అందించేందుకు కృషి చేస్తాను." - రిషభ్ పంత్, టీమిండియా వికెట్ కీపర్
మహేంద్రసింగ్ ధోనీతో తనను పోల్చుతున్న తరుణంలో ఆ విషయంపై స్పందించాడు పంత్. మహీకి తను వీరాభిమానినని, ప్రస్తుతం తన ఆటను మెరుగుపరుచుకునేందుకే చూస్తున్నానని చెప్పాడు.
విండీస్ పర్యటనలో ఎన్ని అవకాశాలిచ్చిన సద్వినియోగం చేసుకోలేకపోయాడని మాజీలు సైతం పంత్పై మండిపడ్డారు.
దక్షిణాఫ్రికాతో ఈ నెల 15 నుంచి మూడు టీ-20ల సిరీస్ను ఆడనుంది టీమిండియా. తొలి మ్యాచ్ ధర్మశాలలో జరుగనుంది.
ఇదీ చదవండి: బీచ్ ఒడ్డున అనుష్క ఒడిలో విరాట్
