పడిక్కల్​ తెలివైన ఆటగాడు: కటిచ్​

బెంగుళూరు జట్టు కూర్పు ప్రస్తుత సీజన్​లో బాగుందని సంతోషం వ్యక్తం చేశాడు కోచ్​ సైమన్ కటిచ్. 13వ సీజన్​ ముగిసిన నాటి నుంచే 14వ సీజన్​ కోసం ప్రణాళికలు సిద్ధం చేశామని వెల్లడించాడు. గత లీగ్​లో అంచనాలకు మించి రాణించిన ఓపెనర్ దేవ్​దత్​ ఫడిక్కల్​ తెలివైన వాడని కొనియాడాడు.

ప్రస్తుత బెంగుళూరు జట్టు కూర్పుపై స్పందించాడు కోచ్​ సైమన్ కటిచ్​. ప్రస్తుత సీజన్​ కోసం 2020 నుంచే ప్రణాళికలు సిద్ధం చేశామని తెలిపాడు. 13వ సీజన్​ ముగిసిన వెంటనే దేశీయ టోర్నీలపై, సయ్యద్ ముస్తక్​ అలీ టోర్నీపై దృష్టి సారించినట్లు వెల్లడించాడు. అందుకే మినీ వేలంలో ఎక్కువ మంది భారత క్రికెటర్ల కొనుగోలుకు అవకాశం లభించిందని పేర్కొన్నాడు.

"2020 ఐపీఎల్​ సీజన్​ ముగిసిన వెంటనే చాలా విషయాలపై సమీక్షించాం. సీజన్​ మొత్తం ఎలా ఆడామనే అంశాలను సరిచూసుకున్నాం. ఇంకా ఏయే అంశాలలో మెరుగుపడాలన్న దానిపై దృష్టి సారించాం. ప్రస్తుత సీజన్​ కోసం మాక్ వేలాన్ని కూడా నిర్వహించి.. అందుకు తగ్గట్లు సిద్ధమయ్యాం" అని చెప్పిన కటిచ్​ వీడియోను ఆర్సీబీ అధికారిక ట్విట్టర్​ ఖాతాలో పోస్టు చేసింది.

• Bold Diaries: Head Coach Simon Katich Interview
  
  On @myntra presents Bold diaries, Head Coach Simon Katich spoke about his work from home experience during the IPL auction, the gains from 2020 season, and strengthening the core group for #IPL2021.#PlayBold #WeAreChallengers pic.twitter.com/gnFw493cwe

  — Royal Challengers Bangalore (@RCBTweets) April 2, 2021 " class="align-text-top noRightClick twitterSection" data="

  Bold Diaries: Head Coach Simon Katich Interview
  
  On @myntra presents Bold diaries, Head Coach Simon Katich spoke about his work from home experience during the IPL auction, the gains from 2020 season, and strengthening the core group for #IPL2021.#PlayBold #WeAreChallengers pic.twitter.com/gnFw493cwe

  — Royal Challengers Bangalore (@RCBTweets) April 2, 2021

  ">

  Bold Diaries: Head Coach Simon Katich Interview
  
  On @myntra presents Bold diaries, Head Coach Simon Katich spoke about his work from home experience during the IPL auction, the gains from 2020 season, and strengthening the core group for #IPL2021.#PlayBold #WeAreChallengers pic.twitter.com/gnFw493cwe

  — Royal Challengers Bangalore (@RCBTweets) April 2, 2021

"దేవ్​దత్​ ఫడిక్కల్​ తెలివైన వాడు. ఆడుతున్న తొలి సీజన్ (2020)​లోనే ఆకట్టుకున్నాడు. నిశ్శబ్దంగా తన పని తాను చేసుకుపోయాడు. 473 పరుగులతో అద్భుత ప్రదర్శన చేశాడు. వాషింగ్టన్​ సుందర్​ కూడా అద్భుతంగా ఆడాడు. ప్రస్తుతం అతడు టీమ్​ఇండియాకు టెస్టుల్లో, టీ20ల్లో ఆడుతున్నాడు. సిరాజ్​, సైని బంతితో రాణిస్తున్నారు" అని కటిచ్ పేర్కొన్నాడు.

"చాలా ఏళ్ల తర్వాత గత సీజన్​లో మా జట్టు ప్లేఆఫ్స్​కు చేరింది. టీమ్​లో చాలా సానుకూలతలు కనిపించాయి. ఎక్కువ మంది భారత యువ క్రికెటర్లకు అవకాశమివ్వడం కలిసొచ్చింది. అంతవరకు ఐపీఎల్​ అనుభవం లేని ఫడిక్కల్​ను టాప్​ ఆర్డర్​లో పంపించాల్సిందిగా నేను సూచించాను. అతడు మమ్మల్ని నిరాశ పరచలేదు. దేవ్​దత్​ తెలివైన వాడు."

-సైమన్ కటిచ్, ఆర్సీబీ కోచ్.

ప్రస్తుత జట్టు కూర్పు బాగుందని కటిచ్ అభిప్రాయపడ్డాడు. వేలంలో చాలా మంది భారత యువకులను తీసుకున్నామని.. ఇప్పుడు టీమ్​ సమతూకంగా ఉందని తెలిపాడు. ​ క్రిస్టియన్, మాక్స్​వెల్, జంపా వంటి అనుభజ్ఞులైన ఆటగాళ్లు మా జట్టులో ఉన్నారని పేర్కొన్నాడు.

ఇదీ చదవండి: ఉత్కంఠ పోరులో చివరి బంతికి పాక్‌ గెలుపు