ఇటీవల ముగిసిన ఇండియా-ఇంగ్లాండ్ టెస్టు సిరీస్.. ఓ సరికొత్త రికార్డును నమోదు చేసింది. గత ఐదేళ్లలో అత్యధిక మంది వీక్షించిన సిరీస్గా ఇది రికార్డులు నెలకొల్పింది. నిమిషానికి సగటున 13 లక్షల మంది ఈ టెస్టు మ్యాచ్లను చూసినట్లు వెల్లడైంది. 2019లో ఓ టెస్టు మ్యాచ్కు ప్రారంభ రోజు అత్యధిక వీక్షణలు వచ్చాయి.
సుదీర్ఘ ఫార్మాట్కు పెరుగుతున్న ఆదరణకు ఈ వీక్షణల సంఖ్యే నిదర్శనం. దీంతో పాటు తొలిసారిగా ప్రవేశపెట్టిన టెస్టు ఛాంపియన్షిప్ కూడా దీనికి మరో కారణం. ఈ టెస్టు సిరీస్ను మొత్తం 10కోట్ల 30 లక్షల మంది చూసినట్లు వెల్లడైంది.
సుదీర్ఘ ఫార్మాట్కు అత్యధిక వీక్షణలపై స్టార్ స్పోర్ట్స్ ఇండియా హెడ్ సంజోగ్ గుప్తా స్పందించారు. "టెస్టు సిరీస్కు ఆదరణ లభించడం సంతోషంగా ఉంది. ఏడాది అనంతరం క్రికెట్ ప్రారంభం కావడం, ప్రపంచ టెస్టు ఛాంపియన్షిప్కు క్వాలిఫై సిరీస్లు అవడం వల్ల ఇంత మంది చూసి ఉంటారని" ఆయన తెలిపారు.
ఇదీ చదవండి: స్లో ఓవర్ రేట్- ఇంగ్లాండ్ ఆటగాళ్ల ఫీజులో కోత
