టీమ్ఇండియా మాజీ కెప్టెన్ ధోనీతో తనకున్న జ్ఞాపకాలను గుర్తుచేసుకున్నాడు మాజీ క్రికెటర్ గౌతమ్ గంభీర్. ధోనీతో కలిసి తాను ఓ రూమ్ షేర్ చేసుకున్నానని తాజాగా వెల్లడించాడు. గది చిన్నదిగా ఉండటం వల్ల తామిద్దరం నేలపైనే పడుకున్నామని తెలిపాడు గంభీర్.
"నేను, ధోనీ నెల రోజులకు పైగా ఒకే రూమ్లో కలిసున్నాం. మాకు ఇచ్చిన రూమ్ చాలా చిన్నదిగా ఉండేది. ఆ గదిని పెద్దదిగా, సౌకర్యవంతంగా చేసుకోవడానికి మంచాన్ని తీసేసి.. దుప్పట్లతో నేలపైనే పడుకునే వాళ్లం. అది మా ఇద్దరికీ మరిచిపోలేని జ్ఞాపకం" అని గంభీర్ చెప్పాడు .
2004లో బంగ్లాదేశ్తో జరిగిన మ్యాచ్తో అంతర్జాతీయ క్రికెట్లో అరంగేట్రం చేశాడు మహేంద్రసింగ్ ధోనీ. తన కెరీర్లో ఇప్పటివరకు 90 టెస్టులు, 350 వన్డేలు 98 టీ20ల్లో భారత్కు ప్రాతినిధ్యం వహించాడు. క్రికెట్ ప్రయాణంలో 17వేల అంతర్జాతీయ పరుగులు చేశాడు మహీ. గతేడాది జరిగిన ప్రపంచకప్ సెమీస్లో న్యూజిలాండ్పై టీమ్ఇండియా ఓటమి తర్వాత క్రికెట్కు దూరమయ్యాడు.
