ఇంగ్లాండ్-ఆస్ట్రేలియా మధ్య జరుగుతోన్న ప్రతిష్టాత్మక యాషెస్‌ సిరీస్లో స్టీవ్‌ స్మిత్ అద్భుతమైన బ్యాటింగ్‌తో సత్తా చాటుతున్నాడు. అతడి ఆటతీరుపై పలువురు మాజీ క్రికెటర్లు ప్రశంసలు కురిపిస్తున్నారు. ఇంగ్లాండ్ బౌలర్లు స్మిత్ను ఔట్ చేయడానికి శ్రమిస్తున్నారని అంటున్నారు.
స్టీవ్‌ స్మిత్ వికెట్‌ తీసే బౌలర్ ఎవరంటూ ఈఎస్‌పీఎన్‌ క్రిక్‌ఇన్ఫో ఆన్‌లైన్‌లో ఓ పోల్ రన్‌ చేస్తోంది. ఆ ప్రశ్నకు కొన్ని ఆప్షన్స్ ఇచ్చింది. అందులో జేమ్స్‌ అండర్సన్‌, జస్‌ప్రీత్‌ బుమ్రా, కగిసో రబాడ, మోర్నీ మోర్కెల్‌, జోఫ్రా ఆర్చర్‌, రవీంద్ర జడేజా, యాసిర్‌ షా, రంగనా హెరాత్‌ల పేర్లను ఉంచింది. ఈ పోస్ట్‌పై స్పందించిన ఇంగ్లాండ్ మాజీ బౌలర్ డారెన్ గాఫ్ "బుమ్రా 100%" అంటూ కామెంట్‌ చేశాడు.
ప్రస్తుతం జరుగుతోన్న యాషెస్‌ సిరీస్లో సెంచరీల మోత మోగిస్తున్నాడు స్మిత్. నాలుగో టెస్టు తొలి ఇన్నింగ్స్లో డబుల్ సెంచరీతో సత్తాచాటాడు. విండీస్‌తో జరిగిన టెస్ట్ సిరీస్లో టీమిండియా బౌలర్ బుమ్రా అద్భుతమైన బౌలింగ్‌తో రాణించాడు. తొలి టెస్ట్ రెండో ఇన్నింగ్స్లో 5 వికెట్లు తీసిన ఈ ఆటగాడు.. రెండో టెస్ట్ మ్యాచ్‌లో హ్యాట్రిక్‌ సాధించాడు.
ఇవీ చూడండి.. సచిన్ను వెనక్కి నెట్టిన స్మిత్... లిటిల్ మాస్టర్ స్పందన
