టీ20 కెప్టెన్సీలో మార్పు.. మరి టెస్టుల సంగతేంటి?

ఇటీవలే టీ20 జట్టుకు కొత్త కెప్టెన్​ను ఎంపిక చేసిన బీసీసీఐ.. టెస్టు కెప్టెన్సీ విషయంలో (Team India New Captain) నూతన సారథ్యం గురించి ఆలోచిస్తుందనే వార్తలు వస్తున్నాయి. ఇందుకు రోహిత్, రహానె పేర్లు ఎక్కువగా వినబడుతున్నాయి.

టీ20 ప్రపంచకప్​లో వైఫల్యం చెందిన టీమ్ఇండియా.. టీ20 జట్టు ఇకపై నూతన నాయకత్వంలో అదరగొట్టేందుకు సిద్ధమవుతోంది. ఇటీవలే టీ20 జట్టు కెప్టెన్​గా (Team India New Captain) రోహిత్ శర్మ, వైస్ కెప్టెన్​గా కేఎల్ రాహుల్​ను నియమించింది బీసీసీఐ. దీంతో టెస్టు సారథ్యంపై పలు అనుమానాలు రేకెత్తుతున్నాయి. ఒకవేళ కోహ్లీ టెస్టు కెప్టెన్​గా తప్పుకొంటే ఎవరికి పగ్గాలు అప్పజెప్పాలనే (Team India New Captain) విషయంపై బీసీసీఐకి ఓ స్పష్టత లేదని తెలుస్తోంది. టీ20 కెప్టెన్​గా రోహిత్​కు బాధ్యతలు అప్పగించిన నేపథ్యంలో టెస్టు సారథ్యమూ అతడికే ఇవ్వాలని కొందరు అంటుండగా.. మరికొందరు రహానే పేరును వినిపిస్తున్నారు.

త్వరలోనే న్యూజిలాండ్ టీ20 సిరీస్ తర్వాత రెండు టెస్టుల్లో తలపడనుంది టీమ్ఇండియా. ఈ పర్యటనలోని టీ20 సిరీస్​కు​ కోహ్లీకి (Team India New Captain) విశ్రాంతినిచ్చారు. అయితే. మొదటి టెస్టుకూ అతడు అందుబాటులో ఉండడని తెలుస్తోంది. దీంతో ఈ టెస్టుకు ఎవరు సారథ్యం వహిస్తారనే ప్రశ్న ఇప్పుడు అందరిలోనూ ఉత్పన్నమవుతోంది. ఇందులో రహానె, రోహిత్ ముందు వరుసలో ఉన్నారు.

రహానెకు అదే సమస్య

ఇప్పటికే టెస్టు జట్టులో రెగ్యులర్​గా ఆటగాడిగా ఉన్న రహానె.. కోహ్లీకి డిప్యూటీగా సేవలందిస్తున్నాడు. కానీ ఈ మధ్య బ్యాటింగ్​లో అంతగా ఆకట్టుకోలేకపోతున్నాడు. ఇంగ్లాండ్ పర్యటనలో చెప్పుకోదగిన ఇన్నింగ్స్ ఆడలేకపోయాడు. అలాగే బోర్డర్​-గావస్కర్ ట్రోఫీలో మెల్​బోర్న్​ టెస్టులో సెంచరీ చేసిన ఇతడు.. మిగతా అన్ని మ్యాచ్​ల్లో విఫలమయ్యాడు.

రోహిత్​కే అవకాశమా?

ఈ మధ్యే టీ20 జట్టు పగ్గాలు అందుకున్నాడు రోహిత్. కొంతకాలంగా టెస్టుల్లోనూ మంచి ప్రదర్శన కనబరుస్తున్నాడు. దీంతో సెలెక్టర్లతో పాటు కొత్తగా ఎంపికైన ప్రధాన కోచ్ ద్రవిడ్ కూడా రోహిత్​ వైపు మొగ్గుచూపుతున్నట్లు తెలుస్తోంది. అయితే ఇప్పుడే టెస్టు కెప్టెన్సీ, వైస్ కెప్టెన్సీ విషయంలో మార్పులు ఉండవని తెలుస్తోంది.

ఇదీ చూడండి : ఐపీఎల్​లో అదరగొట్టి.. టీమ్ఇండియాకు ఎంపికై!