చైనాలో జరుగుతున్న ఆసియా బ్యాడ్మింటన్ ఛాంపియన్షిప్లో భారత షట్లర్లు సత్తా చాటుతున్నారు. స్టార్ ఆటగాళ్లైన సైనా, సింధు రెండో రౌండుకు చేరుకున్నారు. పురుషుల సింగిల్స్లో సమీర్వర్మ జపాన్కు చెందిన సకాయ్పై విజయం సాధించాడు.
జపాన్కు చెందిన తాకాషి సాయకాను వరుస సెట్లలో ఓడించింది సింధు. 21-14, 21-7 తేడాతో కేవలం 28 నిమిషాల్లోనే ఆట ముగించింది. తర్వాతి మ్యాచ్లో ఇండోనేషియాకు చెందిన చోయిరున్నిసాతో తలపడనుంది సింధు.
సైనా నెహ్వాల్ చైనా క్రీడాకారిణీ హ్యాన్యూపై విజయం సాధించింది. 12-21, 21-11, 21-17 తేడాతో గెలిచింది. మొదటి సెట్ను చేజార్చుకున్న సైనా మిగతా సెట్లలో పుంజుకుని హ్యాన్ యూను ఓడించింది. తర్వాతి మ్యాచ్ ఒలింపిక్ కాంస్యం విజేత దక్షిణకొరియాకు చెందిన కిమ్తో తలపడనుంది సైనా.
పురుషుల సింగిల్స్లో సమీర్ వర్మ జపాన్కు చెందిన సకాయ్ కజుమాసాపై 21-13, 17-21, 21-18 తేడాతో విజయం సాధించాడు. పురుషుల డబుల్స్లో అర్జున్- రామాచంద్రన్ జోడీ చైనా ద్వయం చేతిలో పరాజయం పాలైంది. నేడు కిదాంబి శ్రీకాంత్ ఇండోనేషియాకు చెందిన షేసార్ హిరెన్తో తలపడనున్నాడు
