'ఫాస్ట్ అండ్ ఫ్యూరియస్'(Fast and Furious) ఫ్రాంచైజీ చిత్రాలకు ప్రపంచవ్యాప్తంగా కోట్లాదిమంది అభిమానులున్నారు. ఈ చిత్రాల్లో నటించిన నటులందరూ మంచి గుర్తింపు తెచ్చుకున్నారు. ముఖ్యంగా విన్ డీసిల్కు స్టార్ డమ్ తెచ్చిపెట్టడంలో ఈ చిత్రాలే కీలకంగా నిలిచాయి. త్వరలోనే 'ఎఫ్ 9' ప్రేక్షకులు ముందుకు రాబోతుంది. కొవిడ్ పరిస్థితులు కారణంగా చాలా నెలలుగా వాయిదా పడుతూ వస్తుంది ఈ చిత్రం. ఇప్పటికే విడుదలైన ట్రైలర్(Trailer) సినిమాపై అంచనాల్ని అమాంతం పెంచేసింది. ఇప్పుడు ఈ ప్రాంఛైజీలో 'ఎఫ్ 10', 'ఎఫ్ 11' చిత్రాలను కూడా తెరకెక్కించడానికి సన్నాహాలు జరుగుతున్నాయి. ఆ తర్వాత మాత్రం ఈ ఫ్రాంచైజీలో చిత్రాలు రావు అని అంటున్నారు విన్ డీసిల్.
"ప్రతి కథకు ముగింపు ఉండాల్సిందే. చాలామందికి ఇది ఇష్టం ఉండకపోవచ్చు. కానీ ఫ్రాంచైజీ చిత్రాలకు వీడ్కోలు పలకడం సరైందే. ఇవి ఎన్నో రికార్డుల్ని అది గమించాయి. అదే సమయంలో ఈ ఫ్రాంచైజీకంటూ ఒక ఆత్మ ఉంటుంది. దానికి విశ్రాంతి కావాలి" అని విన్ చెప్పారు.
- " class="align-text-top noRightClick twitterSection" data="">
