Vijay Beast second song: తమిళ స్టార్ హీరో విజయ్ హీరోగా తెరకెక్కుతున్న యాక్షన్‌ థ్రిల్లర్‌ సినిమా 'బీస్ట్'. పూజా హెగ్డే హీరోయిన్. నెల్సన్‌ దిలీప్కుమార్ దర్శకుడు. వచ్చే నెలలో విడుదల కానుందీ చిత్రం. ఇప్పటికే విడుదలైన ఈ మూవీలోని 'అరబిక్ కుతు' సాంగ్ ఎంతగా హిట్ అయిందో ప్రత్యేకంగా చెప్పనక్కర్లేదు. దేశవ్యాప్తంగా శ్రోతలను ఊర్రూతలూగించింది. సోషల్మీడియాలో రికార్డులు సృష్టించింది. అయితే ఇప్పుడు ఈ సినిమా నుంచి ఇప్పుడు మరో సాంగ్ విడుదలైంది. 'జాలీ ఓ జిమ్ఖానా' అంటూ సాగే ఈ సాంగ్ను హీరో విజయ్ స్వయంగా ఆలపించడం విశేషం.అనిరుధ్‌ రవిచందర్‌ ఈ సినిమాకు సంగీతం అందిస్తున్నారు.
- " class="align-text-top noRightClick twitterSection" data="">
'భీమ్లానాయక్' హాట్స్టార్ ట్రైలర్
Bheemlanayak hotstar trailer: పవన్కల్యాణ్, రానా కీలక పాత్రల్లో నటించిన చిత్రం 'భీమ్లా నాయక్‌'. ఇటీవలే థియేటర్లలో తుఫాన్ సృష్టించిన ఈ మూవీ మరో వారం రోజుల్లో ప్రముఖ ఓటీటీ ప్లాట్‌ఫామ్స్‌ ఆహా, డిస్నీ ప్లస్ హాట్ స్టార్‌లో స్ట్రీమింగ్ కానుంది. ఈ నేపథ్యంలోనే హాట్స్టార్ కొత్త ట్రైలర్ను విడుదల చేసింది. ఈ వీడియో పవన్-రానా పవర్ఫుల్ పంచ్ డైలాగ్లతో అదిరిపోయింది. ఇంకెందుకు ఆలస్యం మాస్‌ ట్రైలర్ మీరూ చూసేయండి.
- " class="align-text-top noRightClick twitterSection" data="">
రౌడీబాయ్స్ అదరగొడుతోందిగా
Rowdyboys OTT records: ఆశిష్, అనుపమ పరమేశ్వరన్‌ జంటగా నటించిన చిత్రం 'రౌడీబాయ్స్'. శ్రీహ‌ర్ష కొనుగంటి తెర‌కెక్కించిన చిత్ర‌మిది. ఈ సినిమాతోనే ప్రముఖ నిర్మాత శిరీష్ త‌న‌యుడు ఆశిష్ హీరోగా ప‌రిచ‌య‌మ‌య్యారు. కాలేజీ బ్యాక్‌డ్రాప్‌లో సాగే యూత్‌ఫుల్‌ ఎంటర్‌టైనర్గా విడుదలైన ఈ సినిమా యువతను బాగా ఆకట్టుకుంది. ఇప్పుడీ మూవీ ఓటీటీలోనూ అదరగొడుతోంది. జీ5లో రిలీజ్ అయిన ఈ సినిమా ప్రస్తుతం పదికోట్లకు పైగా మినిట్స్ స్ట్రీమింగ్ అయింది. ఇక ఈ మూవీలో శశిదేవ్‌ విక్రమ్‌, కార్తిక్‌ రత్నం కీలక పాత్రల్లో నటించగా.. దేవిశ్రీ ప్రసాద్‌ స్వరాలందించారు. మది ఛాయాగ్రాహకుడిగా వ్యవహరించారు.
- " class="align-text-top noRightClick twitterSection" data="">
ఇదీ చూడండి: ముద్దుగుమ్మల హాట్ లుక్స్ చూస్తే ఆగరంతే!
