'వెంకీ' పెద్దకొడుకును పరిచయం చేశారు!

వెంకటేశ్ హీరోగా తెరకెక్కుతోన్న చిత్రం 'నారప్ప'. ఈ సినిమాలో వెంకీ ఇద్దరు కొడుకులకు తండ్రిగా కనిపించనున్నారు. తాజాగా ఈ మూవీలో ఆయన పెద్ద కొడుకు పాత్రను రివీల్ చేశారు.

విక్టరీ వెంకటేశ్ హీరోగా శ్రీకాంత్ అడ్డాల దర్శకత్వంలో తెరకెక్కుతోన్న చిత్రం 'నారప్ప'. తమిళ సినిమా 'అసురన్​'కు రీమేక్​గా రూపొందుతోంది. ఇప్పటికే 50 శాతానికిపైగా షూటింగ్ పూర్తి చేసుకున్న ఈ మూవీ నుంచి ఓ సర్​ప్రైజ్​ ఇచ్చింది చిత్రబృందం. ఈ సినిమాలో వెంకీ ఇద్దరు కొడుకులకు తండ్రిగా కనిపించనున్నారు. వారిలో పెద్దవాడైన పెళ్లీడు కొచ్చిన యువకుడి పాత్రను ఈరోజు పరిచయం చేశారు.

ముని కన్నగా కార్తీక్

ఈ సినిమాలో వెంకటేశ్ పెద్ద కొడుకు పాత్రకు చాలా ప్రాధాన్యం ఉంటుంది. ఆ పాత్ర కోసం 'కేర్ ఆఫ్ కంచరపాలెం' ఫేమ్ కార్తీక్​ను తీసుకున్నారు. ఈ సినిమాలో కార్తీక్.. ముని కన్నగా కనిపించనున్నారు. సైకిల్​పై వెళుతున్న కార్తీక్ గెటప్ ఆకట్టుకునేలా ఉంది.