సాయిధరమ్ తేజ్ సోదరుడు వైష్ణవ్ తేజ్ హీరోగా అరంగేట్రం చేస్తోన్న చిత్రం 'ఉప్పెన'. షూటింగ్ మొత్తం పూర్తి చేసుకున్న ఈ సినిమా ఏప్రిల్లో విడుదల కావాల్సి ఉంది. కానీ కరోనా మహమ్మారి వల్ల థియేటర్లు మూతపడటం వల్ల ఈ చిత్ర విడుదల వాయిదా పడింది. దీంతో ఈ మూవీని నేరుగా ఓటీటీలోనే విడుదల చేయబోతున్నట్లు వార్తలు వచ్చాయి. కానీ చిత్రబృందం మాత్రం థియేటర్లకే మొగ్గుచూపింది.
ప్రస్తుత పరిస్థితులు ఎప్పటివరకు సర్దుమణుగుతాయే తెలియదు. అందువల్ల సినిమా విడుదల తేదీలపై చిత్రబృందాలు ఇప్పటికీ ఓ నిర్ణయానికి రాలేకపోతున్నాయి. అయితే 'ఉప్పెన'ను సంక్రాంతి బరిలో ఉంచాలని నిర్మాతలు భావిస్తున్నారట. కరోనా ప్రభావం అప్పటివరకు తగ్గే అవకాశం ఉందని అనుకుంటున్నట్లు తెలుస్తోంది.
- " class="align-text-top noRightClick twitterSection" data="">
ఈ సినిమాలో వైష్ణవ్ సరసన కృతిశెట్టి హీరోయిన్గా నటిస్తోంది. బుచ్చిబాబు సాన దర్శకుడిగా పరిచయం అవుతున్నాడు. ప్రముఖ నటుడు విజయ్ సేతుపతి కీలక పాత్రలో కనిపించనున్నాడు. దేవీ శ్రీప్రసాద్ సంగీతం అందిస్తున్నాడు.
