క్లాస్‌, మాస్‌, మెలోడీ అనే భేదం లేకుండా ఇండస్ట్రీలోని బడా హీరోలందరికీ గుర్తుండిపోయే మ్యూజిక్ ఆల్బమ్స్‌ అందించారు సంగీత దర్శకుడు తమన్(music director thaman about prabhas). త్వరలోనే ఈయన స్వరాలు సమకూర్చిన 'అఖండ' సినిమా ప్రేక్షకుల ముందుకు రానుంది. ఈ సందర్భంగా చిత్ర విశేషాలను తెలిపిన ఆయన.. 'అఖండ' రెగ్యులర్ కమర్షియల్ ఫిల్మ్ కాదని అన్నారు. ఈ మూవీలో బ్యాక్గ్రౌండ్ మ్యూజిక్ హైలైట్గా నిలుస్తుందని చెప్పారు. ఈ క్రమంలోనే స్టార్ హీరోలందరితో పనిచేసిన ఆయన రెబల్స్టార్ ప్రభాస్తో కలిసి ఎందుకు పనిచేయలేదో వివరించారు.
దాదాపు పదేళ్ల క్రితమే డార్లింగ్తో 'రెబల్' సినిమాకు పనిచేసే అవకాశం వచ్చిందని గుర్తుచేసుకున్నారు తమన్. అయితే ఆ సమయంలో ఆ చిత్ర దర్శకుడు రాఘవ లారెన్స్తో విభేదాలు రావడం వల్ల మూవీ నుంచి తప్పుకొన్నట్లు తెలిపారు. కానీ వీలైనంత వరకు త్వరలోనే ప్రభాస్తో కలిసి పనిచేసేందుకు ఆసక్తిగా ఎదురుచూస్తున్నట్లు వెల్లడించారు.
ప్రస్తుతం తమన్ 'అఖండ'తో పాటు 'గని', 'సర్కారువారి పాట', 'థ్యాంక్యూ', 'భీమ్లానాయక్', 'గాడ్ఫాదర్', రామ్చరణ్ 'ఆర్సీ 15', మహేశ్బాబు 'ఎస్ఎస్ఎమ్బీ 28' చిత్రాలకు సంగీతం అందిస్తున్నారు.
ఇదీ చూడండి: షాహిద్ 'జెర్సీ' ట్రైలర్.. 'శ్యామ్సింగరాయ్', 'అత్రాంగి రే' అప్డేట్స్
