మోస్ట్ ఎలిజిబుల్ బ్యాచిలర్ హీరోల్లో ఒకడైన నితిన్.. త్వరలో పెళ్లి పీటలెక్కబోతున్నాడట. శాలిని అనే అమ్మాయిని ప్రేమించి, పెద్దల అంగీకారంతోనే వివాహం చేసుకోనున్నాడని సమాచారం. అతడి కుటుంబ సభ్యులు దీనికి అంగీకరించారట.
శాలిని-నితిన్ గత నాలుగేళ్లుగా ప్రేమించుకుంటున్నారు. ఈ క్రమంలోనే పెద్దల్ని ఒప్పించి, ఈ ఏప్రిల్ 16న ఒక్కటి కానున్నారని తెలుస్తోంది. ఈ పెళ్లి డెస్టినేషన్ వెడ్డింగ్గా జరగనుందని సమాచారం. ఇప్పటికే ప్రారంభమైన పెళ్లి పనుల్ని, నితిన్ సోదరి నిఖిత దగ్గరుండి చూసుకుంటోందట. ఈ ఈవెంట్కు ఇరు కుటుంబాలకు చెందిన 50-60 మంది మాత్రమే హాజరు కానున్నారు. ఆ తర్వాత హైదరాబాద్లో గ్రాండ్ రిసెప్షన్ ఏర్పాటు చేస్తారని సమాచారం.
నితిన్.. సినీ ఇండస్ట్రీకి వచ్చి 17 ఏళ్లు అవుతుంది. 'జయం'తో పరిచయమైన ఇతడు.. ఆ తర్వాత పలు సినిమాల్లో నటించి, అభిమానుల్ని సొంతం చేసుకున్నాడు. ప్రస్తుతం 'భీష్మ'లో నటిస్తూ బిజీగా ఉన్నాడు. వచ్చే నెల్లో ప్రేక్షకుల ముందుకు రానుందీ సినిమా.
