సమంత 'శాకుంతలం' షూటింగ్ మంగళవారంతో(ఆగస్టు 24) పూర్తయింది. ఓ వీడియోను కూడా విడుదల చేశారు. నిర్మాత నీలిమ గుణ సహా పలువురు చిత్రబృందంలోని సభ్యులు కన్నీటి పర్యంతమయ్యారు. పీరియాడికల్ కథతో తీసిన ఈ చిత్ర రిలీజ్పై త్వరలో క్లారిటీ ఇచ్చే అవకాశముంది.
- " class="align-text-top noRightClick twitterSection" data="">
మహాభారతంలోని దృశ్యకావ్యం ఆధారంగా తెరకెక్కిన ఈ సినిమాలో సమంత, మలయాళ నటుడు దేవ్మోహన్ ప్రధాన పాత్రలు పోషించారు. అల్లు అర్జున్ కుమార్తె అర్హ.. ప్రిన్స్ భరత పాత్రలో నటించింది. మణిశర్మ సంగీతమందించారు. అద్భుత చిత్రాల సృష్టికర్త గుణశేఖర్ దర్శకత్వం వహించారు.
'ది ఫ్యామిలీ మ్యాన్ 2' తెలుగులో
సమంత నటించిన తొలి వెబ్ సిరీస్ 'ది ఫ్యామిలీ మ్యాన్ 2'. జూన్ 3న అమెజాన్ ప్రైమ్లో విడుదల చేశారు. అయితే హిందీలో మాత్రమే ఆడియో ఉండటం వల్ల పలువురు తెలుగు ప్రేక్షకులకు ఇది ఇబ్బందిగా మారింది. అయితే ఎట్టకేలకు తెలుగు, తమిళ ఆడియోలను అందుబాటులో తీసుకొచ్చారు. దీంతో సామ్ అభిమానులు, ఈ సిరీస్ను చూసేందుకు సిద్ధమవుతున్నారు.
ఎల్టీటీఈ ఉద్యమ నేపథ్య కథతో 'ఫ్యామిలీ మ్యాన్' రెండో సీజన్ను తెరకెక్కించారు. ఈ సిరీస్ వివాదాల్లో ఇరుక్కున్నప్పటికీ, ప్రేక్షకులు మాత్రం విశేషంగా ఆదరించారు. రాజ్-డీకే ద్వయం దీనికి దర్శకత్వం వహించారు. మూడో సీజన్ చైనా-కరోనా నేపథ్యంగా తెరకెక్కించనున్నారు.
ఇవీ చదవండి:
