దర్శకధీరుడు రాజమౌళి తెరకెక్కిస్తోన్న భారీ బడ్జెట్ చిత్రం 'ఆర్ఆర్ఆర్'. ఈ సినిమా విడుదల తేదీ ఇటీవలే ఖరారైంది. అయితే చిత్రం థియేటర్లలోకి రాకముందే భారీ బిజినెస్ సొంతం చేసుకున్నట్లు తెలుస్తోంది. జక్కన్న రూపొందించిన బాహుబలి సిరీస్ ప్రపంచ వ్యాప్తంగా విజయం సాధించడమే కాకుండా కాసుల వర్షం కురిపించింది. అందువల్లే ఈ సినిమాపైనా భారీ అంచనాలు నెలకొన్నాయి. ఫలితంగా 'ఆర్ఆర్ఆర్' ఇంకా చిత్రీకరణలో ఉండగానే డిస్ట్రిబ్యూటర్లు క్యూ కడుతున్నారట.
ఈ సినిమా పంపిణీ హక్కుల బిజినెస్ 'బాహుబలి 2' రికార్డులు బ్రేక్ చేస్తుందని సినీ విశ్లేషకులు అభిప్రయపడుతున్నారు. గతంలో ప్రభాస్ సినిమా రూ.335 కోట్ల ప్రీరిలీజ్ బిజినెస్ చేసింది. ప్రస్తుతం నిర్మాణంలో ఉన్న 'ఆర్ఆర్ఆర్' రూ.400 కోట్ల మార్కెట్లో ధర పలుకుతుందని సినీ పండితులు అంచనా వేశారు. ఇది కేవలం సౌత్ ఇండియా, ఓవర్సీస్ల బిజినెస్ మాత్రమేనట. నార్త్ ఇండియాలో సినిమా పంపిణీ ఒప్పందం ఇంకా ఎవరితోనూ కుదరలేనట్లు సమచారం.
తెలుగు రాష్ట్రాల్లోనూ రికార్డు ధర..
ఇప్పటికే 'ఆర్ఆర్ఆర్' నైజాం హక్కులను ప్రముఖ నిర్మాత దిల్రాజ్ సొంతం చేసుకున్నాడని ప్రచారం జరుగుతోంది. ఏకంగా 76 కోట్ల రూపాయలు పెట్టి ఈ సినిమా హక్కులు దక్కించుకున్నాడట. విడుదలకు ముందే ఈ చిత్రం తెలుగు రాష్ట్రాల్లో రూ.225 కోట్ల ముందస్తు వ్యాపారం చేసినట్లు తెలుస్తోంది. అయితే, నైజాం పరిధిలో ఇప్పటివరకూ ఏ చిత్రం (బాహుబలితో సహా) 70 కోట్ల కలెక్షన్లు సాధించలేదు.
2021, జనవరి 8న ప్రపంచవ్యాప్తంగా 10 భాషల్లో విడుదలకానుందీ చిత్రం. రామ్ చరణ్.. అల్లూరి సీతారామరాజుగా, ఎన్టీఆర్.. కొమరం భీమ్గా తెరపై కనిపించనున్నారు.
ఇదీ చూడండి.. రికార్డు ధరతో 'ఆర్ఆర్ఆర్' నైజాం హక్కుల కొనుగోలు!
