NTR Koratala Siva Movie: యంగ్టైగర్ ఎన్టీఆర్-కొరటాల శివ దర్శకత్వంలో రానున్న సినిమాకు సంబంధించి క్రేజీ అప్డేట్ వచ్చింది. ఈ సినిమా చిత్రీకరణ ఈ ఏడాది జూన్లో ప్రారంభించనున్నట్లు ఇటీవలే ఓ ఇంటర్వ్యూలో తెలిపారు తారక్. నటుడిగా తనను ఉత్తేజపరిచే దర్శకుడు కొరటాల అని పేర్కొన్నారు.
తారక్-కొరటాల కాంబినేషన్లో ఇదివరకే వచ్చిన 'జనతా గ్యారేజ్' బ్లాక్ బస్టర్ హిట్గా నిలిచింది. దీంతో ఈ కాంబినేషన్పై అభిమానుల్లో భారీ అంచనాలున్నాయి. ఇంటెన్స్ యాక్షన్ డ్రామాగా పాన్ఇండియా స్థాయిలో ఈ చిత్రాన్ని తెరకెక్కించనున్నారని సమాచారం. ఇందులో ఆలియా భట్ నటించే అవకాశం ఉంది.
'గని' కోసం రంగంలోకి బన్నీ: మెగాహీరో వరుణ్ తేజ్ నటించిన 'గని' ప్రీరిలీజ్ ఈవెంట్కు ముఖ్య అతిథిగా హాజరుకానున్నారు ఐకాన్స్టార్ అల్లుఅర్జున్. ఏప్రిల్ 2న వైజాగ్లో ఈ వేడుక జరగనుంది. బాక్సింగ్ నేపథ్యంలో తెరకెక్కిన ఈ సినిమాలో సయీ మంజ్రేకర్ హీరోయిన్. కిరణ్ కొర్రపాటి దర్శకుడు. ఏప్రిల్ 8న సినిమా విడుదలకానుంది.
ఎట్టకేలకు షూటింగ్ పూర్తి: బాలీవుడ్ స్టార్ రణ్బీర్ కపూర్-ఆలియా భట్ జంటగా నటిస్తున్న 'బ్రహ్మాస్త్ర' పార్ట్ 1 షూటింగ్ పూర్తయింది. దాదాపు ఏడేళ్ల క్రితమే ప్రారంభమైన ఈ ప్రాజెక్ట్లో అమితాబ్ బచ్చన్, అక్కినేని నాగార్జున, మౌనీ రాయ్ కీలక పాత్రలు పోషిస్తున్నారు. అయాన్ ముఖర్జీ దర్శకుడు. 2022 సెప్టెంబరు 9న.. హిందీ, తెలుగు, తమిళం, మలయాళం, కన్నడ భాషల్లో ఈ చిత్రం మొదటి భాగం విడుదలకానుంది.
'మిషన్ ఇంపాజిబుల్'కు నవీన్ గాత్రదానం: తనకు 'ఏజెంట్ సాయి శ్రీనివాస్ ఆత్రేయ' లాంటి సూపర్ హిట్ అందించిన దర్శకుడు స్వరూప్ ఆర్ఎస్జే కోసం రంగంలోకి దిగారు యువ హీరో నవీన్ పొలిశెట్టి. తాప్సీ ప్రధాన పాత్రలో స్వరూప్ తెరకెక్కించిన 'మిషన్ ఇంపాజిబుల్' సినిమాకు వాయిస్ ఓవర్ అందించారు నవీన్. ఇటీవలే విడుదలై చిత్ర ట్రైలర్ మంచి ఆదరణ పొందింది. సినిమా ఏప్రిల్ 1న థియేటర్లలో విడుదలకానుంది.
లాయర్గా విశ్వక్: యువ హీరో విశ్వక్సేన్ నటిస్తున్న కొత్త చిత్రం 'ముఖచిత్రం'. ఇందులో అతడు లాయర్ 'విశ్వామిత్ర'గా కనిపించనున్నారు. గంగాధర్ దర్శకత్వం వహిస్తున్న ఈ సినిమాకు కథ, స్క్రీన్ప్లే, మాటలను సందీప్రాజ్ అందించారు. నేడు (మార్చి 29) విశ్వక్ పుట్టినరోజు సందర్భంగా అతడి లుక్ను రిలీజ్ చేసింది చిత్రబృందం.
సాయి తేజ్కు ఘన స్వాగతం: రోడ్డు ప్రమాదం జరిగిన తర్వాత తొలిసారి షూటింగ్ సెట్లో అడుగుపెట్టారు మెగా హీరో సాయి తేజ్. బీవీఎస్ఎన్ ప్రసాద్, దర్శకుడు సుకుమార్ సంయుక్తంగా నిర్మిస్తున్న ఈ సినిమాకు కార్తిక్ దండు దర్శకత్వం వహిస్తున్నారు. మరిన్ని వివరాలను త్వరలో తెలియజేయనున్నారు. మంగళవారమే షూటింగ్ ప్రారంభం కాగా, సెట్లోకి వచ్చిన సాయి తేజ్కు ఘన స్వాగతం లభించింది.
- " class="align-text-top noRightClick twitterSection" data="">
ఇదీ చూడండి: 'ఆర్ఆర్ఆర్'పై తారక్ భావోద్వేగం.. మాటలు రావడం లేదంటూ..
