నేచురల్ స్టార్ నాని, సుధీర్ బాబు నటిస్తున్న మల్టీస్టారర్ 'వి'. నివేదా థామస్, అతిదీరావ్ హైదరీ హీరోయిన్లు. ఈనెల 17న టీజర్ను విడుదల చేయనున్నారు. ఇప్పుడీ చిత్రబృందంలోకి ప్రముఖ సంగీత దర్శకుడు తమన్ చేరాడు. నేపథ్య సంగీతాన్ని సమకూర్చనున్నాడు. ఈ విషయాన్ని చిత్రబృందం అధికారికంగా ప్రకటించింది.
ఇటీవలే 'వెంకీమామ', 'ప్రతిరోజూ పండగే', 'డిస్కో రాజా', 'అల వైకుంఠపురములో' చిత్రాలతో మెప్పించాడు తమన్. ఇప్పుడు 'వి' సినిమాకు పనిచేయనున్నాడనే వార్త.. అభిమానుల్లో అంచనాల్ని పెంచుతోంది.
ఈ ప్రాజెక్టుకు ఇంద్రగంటి మోహనకృష్ణ దర్శకుడు. అమిత్ త్రివేది సంగీతమందిస్తున్నాడు. దిల్రాజు నిర్మాతగా వ్యవహరిస్తున్నారు. వచ్చే నెల 25న ఉగాది కానుకగా ప్రేక్షకుల ముందుకు రానుందీ సినిమా.
ఇదీ చూడండి.. సల్మాన్ సినిమాలో ఛాన్స్ కొట్టేసిన 'బుట్టబొమ్మ'
