Movie Updates: తరచూ కామెడీ, లవ్‌, ఫ్యామిలీ కథలతో మెప్పించే హీరో నాని.. గత కొంతకాలంగా తన పంథాను మార్చుకుని విభిన్నమైన జోనర్స్‌లో సినిమాలు చేస్తున్నాడు. ఇటీవల 'శ్యామ్‌ సింగరాయ్‌' వంటి ఫీల్‌గుడ్‌, సూపర్‌ నేచురల్‌ థ్రిల్లర్‌తో సక్సెస్‌ని సొంతం చేసుకున్న ఆయన నటిస్తోన్న సరికొత్త చిత్రం 'దసరా'.
- " class="align-text-top noRightClick twitterSection" data="">
శ్రీకాంత్‌ ఓదెల దర్శకుడు. కీర్తిసురేశ్‌ కథానాయిక. సింగరేణి బొగ్గు గనులున్న ప్రాంతంలోని ఒక గ్రామం నేపథ్యంలో సాగే సీరియస్‌ కథ ఇది. ఇటీవల పూజా కార్యక్రమాల అనంతరం ఈసినిమా రెగ్యులర్‌ షూట్‌ మొదలైంది. కాగా, తాజాగా 'దసరా' టీమ్ ఓ స్పెషల్ సర్‌ప్రైజ్‌ ఇచ్చింది. నాని ఫస్ట్ లుక్ పోస్టర్‌ షేర్‌ చేసింది. ఇందులో ఆయన ధరణి రోల్‌లో మునుపెన్నడూ చూడని విధంగా సీరియస్‌ లుక్‌లో కనిపిస్తున్నారు. ప్రస్తుతం చిత్రీకరణ దశలో ఉన్న ఈ సినిమా తెలుగుతోపాటు తమిళం, మలయాళం, కన్నడ, హిందీలోనూ విడుదల కానుంది. ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి ఈ చిత్రాన్ని నిర్మిస్తున్నారు. సంతోషన్‌ నారాయణన్‌ స్వరాలు సమకూరుస్తున్నారు.
200మిలియన్ వ్యూస్
తమిళ స్టార్ విజయ్, పూజా హెగ్డే నటిస్తున్న 'బీస్ట్' సినిమాలోని 'అరబిక్ కుతు' సాంగ్ ఇటీవలే విడుదలై శ్రోతలను విపరీతంగా ఆకట్టుకుంది. ప్రస్తుతం ఈ గీతం యూట్యూబ్లో ట్రెండింగ్లో దూసుకుపోతోంది. ఈ విషయాన్ని తెలియజేస్తూ ఓ వీడియోను పోస్ట్ చేసింది చిత్రబృందం. ఈ సాంగ్ను సంగీత దర్శకుడు అనిరుథ్ కంపోజ్ చేశారు. హీరో శివకార్తికేయన్ లిరిక్స్ అందించారు. నెల్సన్ దిలీప్ కుమార్ దర్శకత్వం వహిస్తున్న ఈ మూవీ ఏప్రిల్ 14న రిలీజ్ కానుంది.
ఇదీ చదవండి: యంగ్ డైరెక్టర్తో వెంకీ.. లక్ష్యం-2తో గోపీచంద్.. దానయ్య కుమారుడి తెరంగేట్రం
