మాస్ మహారాజా రవితేజ నటిస్తున్న చిత్రం 'క్రాక్'. నూతన సంవత్సరం సందర్భంగా శుభాకాంక్షలు చెబుతూ, ఫస్ట్లుక్ను విడుదల చేసింది చిత్రబృందం. గోలీసోడా తన కంటిపై పెట్టుకొని, తీక్షణంగా చూస్తున్న రవితేజ లుక్ ఆకట్టుకుంటోంది. అతడి వెనకవైపు ఖైదీలు నిలబడి భయం భయంగా చూస్తున్నారు.
రవితేజ-గోపీచంద్ మలినేని కాంబినేషన్లో రూపొందుతున్న హ్యాట్రిక్ చిత్రమిది. ఇంతకు ముందు వీరిద్దరూ 'డాన్ శీను', 'బలుపు' చిత్రాల కోసం కలిసి పనిచేశారు. ముచ్చటగా మూడోసారి హిట్ కొట్టేందుకు సిద్ధమవుతున్నారు. ఇప్పటికే రెండు షెడ్యూల్స్ పూర్తి చేసుకుందీ 'క్రాక్'.
ఈ సినిమా యదార్థ సంఘటనల ఆధారంగా రూపొందిస్తున్నారు. శ్రుతిహాసన్ హీరోయిన్గా నటిస్తోంది. సముద్రఖని, బాబీ సింహా, వరలక్ష్మి శరత్కుమార్ కీలక పాత్రలు పోషిస్తున్నారు. తమన్ సంగీతమందిస్తున్నాడు. బి.మధు నిర్మాతగా వ్యవహరిస్తున్నారు. ఏప్రిల్లో ప్రేక్షకుల ముందుకు రానుంది.
