తమిళంతో పాటు తెలుగులోనూ తనకంటూ మంచి గుర్తింపు తెచ్చుకున్న కథానాయకుడు కార్తి. ఆయన కీలక పాత్రలో లోకేశ్ కనగరాజ్ దర్శకత్వం వహించిన చిత్రం 'ఖైదీ'. గతేడాది విడుదలైన ఈ సినిమా బాక్సాఫీస్ వద్ద ఘన విజయాన్ని అందుకుంది. కథ, బిగి సడలని కథనం, లోకేశ్ టేకింగ్‌, కార్తి నటన సినిమాకు హైలైట్‌గా నిలిచాయి.
ఇప్పుడు ఈ చిత్రానికి అరుదైన గౌరవం దక్కింది. ఆగస్టు 9వ తేదీ నుంచి 15వ తేదీ వరకూ జరిగే టొరంటో ఇంటర్నేషనల్‌ ఇండియన్‌ ఫిల్మ్ ఫెస్టివల్లో దీన్ని ప్రదర్శించనున్నారు. ఆగస్టు 12న 'ఖైదీ'ని ప్రదర్శిస్తారని చిత్ర నిర్మాతలు కె.కె.రాధామోహన్‌, ఎస్‌ఆర్‌ ప్రభు, ఎస్‌ఆర్‌ ప్రకాష్‌బాబు తెలిపారు. ఈ చిత్రం కోసం పనిచేసిన అందరికీ దర్శకుడు లోకేశ్ కృతజ్ఞతలు తెలిపారు.
- " class="align-text-top noRightClick twitterSection" data="">
