Allu arjun Atlee movie: 'పుష్ప' సినిమాతో అల్లు అర్జున్ రేంజ్ అమాంతం పెరిగిపోయింది. 'పుష్ప' సాంగ్స్, డైలాగ్స్తో బాలీవుడ్ సెలబ్రిటీలు, క్రికెటర్లు ఇన్స్టా రీల్స్ చేస్తుండటమే ఇందుకు ఉదాహరణ. బన్నీ నటనకు కూడా ఫిదా అయ్యామంటూ కామెంట్స్ పెడుతున్నారు. ఈ క్రమంలో తన తర్వాతి సినిమాలపై ప్రత్యేక శ్రద్ధా తీసుకుంటున్నారు బన్నీ.
'పుష్ప 2' తర్వాత తను చేయబోయే సినిమాల లైనప్ను క్రేజీగా రెడీ చేసుకుంటున్నారు అల్లు అర్జున్. ఇందులో భాగంగానే తమిళ స్టార్ డైరెక్టర్ అట్లీ, బన్నీ భేటీ అయ్యారు. అయితే వీరిద్దరూ కలిసింది సినిమా కోసమేనని తెలుస్తోంది. అన్ని కుదిరితే త్వరలో ప్రకటన కూడా వచ్చే అవకాశాలు కనిపిస్తున్నాయి. ఈ సినిమాకు అనిరుధ్ సంగీతమందిస్తాడని, లైకా ప్రొడక్షన్స్ భారీ వ్యయంతో నిర్మిస్తుందనే వార్తలు వినిపిస్తున్నాయి. బన్నీకి రూ.100 కోట్ల రెమ్యునరేషన్ కూడా ఇచ్చేందుకు సిద్ధమైనట్లు సమాచారం.
అట్లీ ప్రస్తుతం బాలీవుడ్ బాద్షా షారుక్తో సినిమా చేస్తున్నారు. ఇది పూర్తయిన తర్వాతే అల్లు అర్జున్తో సినిమా కోసం రంగంలోకి దిగుతారని తెలుస్తోంది. ఇతడితో పాటే బన్నీ, మురుగదాస్తో సినిమా చేయాల్సి ఉంది. ఎప్పుడో ఈ విషయం గురించి బయటకువచ్చినప్పటికీ, సెట్స్పైకి వెళ్లడం ఆలస్యమవుతూ వస్తోంది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇవీ చదవండి:
