గూగుల్ ఇటీవలే ఆండ్రాయిడ్ 12లో (Android 12) 5వ వెర్షన్ను విడుదల చేసింది. ఇది ఫైనల్ వెర్షన్గా డెవలెపర్స్ కోసం అందుబాటులోకి తీసుకొచ్చింది. అయితే ప్రజలకు ఇది చేరువ కావాలంటే మరికొన్ని వారాలు వేచిచూడక తప్పదు అని చెబుతోంది. పూర్తిస్థాయి ఆండ్రాయిడ్ వెర్షన్ విడుదలకు ముందే.. దీనికి తగినట్లు యాప్లను సిద్ధం చేసుకోవాలని ఇప్పటికే డెవలెపర్స్కు సూచించింది. కానీ ఇది ఎప్పుడు విడుదల చేస్తుందన్న విషయాన్ని కచ్చితంగా ప్రస్తావించలేదు. కానీ అక్టోబర్ మొదటివారంలో ఉండొచ్చిన టెక్ వర్గాలు చెబుతున్నాయి.
ముహుర్తం ఖరారు..!
ఆండ్రాయిడ్ 12 విడుదలపై ఇప్పటికే స్పష్టమైన సమాచారం లేనప్పటికీ.. పిక్సిల్ స్మార్ట్ఫోన్లకు వచ్చే నెల 4న ఆండ్రాయిడ్ 12 అందుబాటులోకి రానున్నట్లు ఎస్డీఏ డెవలెపర్స్ పేర్కొంది. దీనికి సంబంధించిన సోర్స్ కోడ్ను అమెరికాకు చెందిన ఓ కంపెనీ ఆండ్రాయిడ్ ఓపెన్ సోర్స్ ప్రాజెక్ట్ (ఏఓఎస్పీ)లో పబ్లిష్ చేసిందని చెప్పుకొచ్చింది. ఏదేమైనప్పటికీ.. ఆ రోజే గూగుల్ పిక్సెల్ సిరీస్లోని స్మార్ట్ఫోన్లలో అందుబాటులోకి తీసుకురానుందని పేర్కొంది.
మారే అవకాశాలు లేకపోలేదు..
ఆండ్రాయిడ్ 12 విడుదలపై గూగుల్ అధికారికంగా ఎలాంటి ప్రకటన చేయలేదు. దీంతో ఈ వెర్షన్ను పూర్తిస్థాయిలో అందుబాటులోకి రాకపోతే విడుదల తేదీని వాయిదా వేసే అవకాశాలు లేకపోలేదు. ఎందుకంటే గూగుల్ టెస్టింగ్కే ఎక్కువ ప్రాధాన్యత ఇస్తుంది!
విడుదలపై గూగుల్ మాట..
ఆండ్రాయిడ్ 12లో ఎటువంటి సాంకేతిక లోపాలు తలెత్తకుండా ఉండేందుకు గూగుల్ ఫైనల్ బీటా వెర్షన్ను అందుబాటులోకి తీసుకొచ్చింది. ఇది పూర్తిస్థాయిలో అధికారికంగా ప్రజలకు అందుబాటులోకి రావాలి అంటే మరికొన్ని వారాలు ఎదురు చూడాల్సి ఉంటుందని గూగుల్ అంటుంది. ఈ సమయంలో బగ్స్ను కనిపెట్టేందుకు అవకాశం ఉంటుందని చెప్పుకొచ్చింది. ఈ వెర్షన్లో కొన్ని యాప్స్ను గూగుల్ డీఫాల్ట్గా ఇస్తుంది.
ఇదీ చూడండి: Apple Iphone 13: ఐఫోన్ 13 వచ్చేసింది- ఐప్యాడ్, వాచ్ కూడా..
