LIVE : తెలంగాణ భవన్​లో బీఆర్​ఎస్​ నేతల మీడియా సమావేశం - ప్రత్యక్ష ప్రసారం

BRS Leaders Press Meet at Telangana Bhavan Live : తాజా రాష్ట్ర రాజకీయాలు, పార్లమెంటు ఎన్నికలు 2024, ఎమ్మెల్సీ ఎన్నికలపై తెలంగాణ భవన్​లో బీఆర్ఎస్ నేతలు మీడియా సమావేశం నిర్వహించి మాట్లాడుతున్నారు. ముఖ్యంగా ఎమ్మెల్సీ ఉపఎన్నికల నిర్వహణపై ప్రభుత్వం తీరుపై వారు ప్రసంగిస్తున్నారు. కడియం శ్రీహరి, పాడి కౌశిక్​ రెడ్డి రాజీనామాలతో ఏర్పడిన ఎమ్మెల్సీ స్థానాల ఖాళీల షెడ్యూల్ నోటిఫికేషన్​​ను కేంద్ర ఎన్నికల సంఘం జనవరి 4వ తేదీన విడుదల చేసింది. రెండు స్థానాలకు వేర్వేరుగా ఉప ఎన్నికను నిర్వహిస్తున్నట్లు తెలుపు, గులాబీ రంగుల బ్యాలెట్​ పేపర్లను వినియోగిస్తున్నట్లు చెప్పింది. ఈ నేపథ్యంలో ఈసీ పత్రికా ప్రకటనను రద్దు చేస్తూ మాజీమంత్రి సబితా ఇంద్రారెడ్డి కుమారుడు, బీఆర్​ఎస్​ అధికరా ప్రతినిధి కార్తీక్​ రెడ్డి హైకోర్టులో పిటిషన్​ వేశారు. ఈ పిటిషన్​పై గురువారం విచారణ జరిపిన సీజేతో కూడుకున్న ధర్మాసనం ఈ విషయంలో జోక్యం చేసుకోలేమని స్పష్టం చేసింది. ఈ విషయంపై బీఆర్​ఎస్​ నేతలు మీడియా సమావేశంలో మాట్లాడుతున్నారు. అలాగే త్వరలో జరిగే పార్లమెంటు ఎన్నికల్లో బీఆర్​ఎస్​ గెలుపే లక్ష్యంగా పార్టీ నేతలను బలోపేతం చేస్తూ 17 పార్లమెంటు నియోజకవర్గాల నేతలతో సన్నాహక సమావేశాలు నిర్వహిస్తున్నారు.