నిజామాబాద్లో ఘోర రోడ్డు ప్రమాదం చోటు చేసుకుంది. పట్టణంలోని ప్రగతినగర్లో జరిగిన ప్రమాదంలో ఒకరు మృతి చెందగా మరొకరు తీవ్ర గాయాలపాలయ్యారు. కోటగిరి మండలం ఏతోండ గ్రామానికి చెందిన శ్యామల, భర్త సాయిలుతో కలిసి ఎల్లమ్మ గుట్టలో నివాసం ఉంటూ... ఓ ప్రైవేట్ ఆస్పత్రిలో పనిచేస్తోంది.
పని ముగించుకుని తన భర్తతో కలిసి ద్విచక్రవాహనంపై ఇంటికి తిరిగి వస్తున్న క్రమంలో ఇటుక ట్రాక్టర్ వేగంగా వచ్చి ఢీ కొట్టింది. ఈ ఘటనలో శ్యామల అక్కడికక్కడే మృతి చెందగా... భర్త సాయిలు తీవ్ర గాయలపాలయ్యారు. విషయం తెలుసుకున్న పోలీసులు కేసు నమోదు చేసి దర్యాప్తు చేస్తున్నారు. ట్రాక్టర్ డ్రైవర్ నిర్లక్ష్యమే ప్రమాదానికి కారణమని స్థానికులు తెలిపారు.
